బాధ్యతలు చేపట్టిన మున్సిపాలిటీ కమిషనర్..
1 min read
ఎమ్మెల్యేను..శివానందరెడ్డిని కలిసిన కమిషనర్
పల్లెవెలుగు వెబ్ నందికొట్కూరు: నంద్యాల జిల్లా నందికొట్కూరు నూతన మున్సిపాలిటీ కమిషనర్ గా ఎస్ బేబీ బాధ్యతలు చేపట్టారు. బుధవారం ఉ.9 గం.కు నందికొట్కూరు మున్సిపాలిటీ కార్యాలయంలో ఆమె బాధ్యతలు స్వీకరించారు. కమిషనర్ ఎమ్మిగనూరు మున్సిపాలిటీలో రెవెన్యూ అధికారిగా పనిచేస్తూ ఇక్కడికి బదిలీపై వచ్చారు.నూతన కమిషనర్ కు కార్యాలయ సిబ్బంది శుభాకాంక్షలు తెలిపారు.గత నెల ఆగస్టు 29న మున్సిపాలిటీ కమిషనర్లను బదిలీ చేస్తూ ప్రభుత్వం ఉత్తర్వులు జారీ చేసింది.ఇక్కడ గత ఆరు నెలల పాటు పని చేసిన కమిషనర్ టి సుధాకర్ రెడ్డి మంగళవారం విధుల నుంచి రిలీవ్ అయి మాతృ శాఖకు బదిలీపై వెళ్లారు.బుధవారం సాయంత్రం అల్లూరులో మాండ్ర శివానందరెడ్డి ని మరియు ఎమ్మెల్యే గిత్త జయసూర్య లను నూతన మున్సిపాలిటీ కమిషనర్ బేబీ మర్యాదపూర్వకంగా కలిశారు. వారిని శాలువా పూల బోకేలతో కమిషనర్ సత్కరించారు.సాయంత్రం నందికొట్కూరు పట్టణంలోని సుబ్బారావు పేట కాలనీలో శానిటేషన్ పనులను సిబ్బందితో కలిసి కమిషనర్ పరిశీలించారు.పట్టణాన్ని పరిశుభ్రంగా ఉంచేందుకు గాను శానిటేషన్ పనులను సక్రమంగా చేయాలని మున్సిపాలిటీ కమిషనర్ అన్నారు.ఆ కాలనీవాసులతో ఆమె మాట్లాడారు.
About Author
