నూతన వ్యాపార ప్రణాళికను ప్రకటించిన ఎన్‌ఈసీసీ లిమిటెడ్
1 min read
పల్లెవెలుగు వెబ్ హైదరాబాద్ : దేశీయ, అంతర్జాతీయ, వాణిజ్య, పరిశ్రమల సరుకు రవాణాలో ప్రముఖంగా ఉన్న నార్త్ ఈస్టర్న్ కేరింగ్ కార్పొరేషన్ లిమిటెడ్ (ఎన్‌ఈసీసీ) (బిఎస్ఈ: 534615, ఎన్ఎస్ఈ: ఎన్ఇసిసి లిమిటెడ్) తమ నూతన వ్యాపార ప్రణాళికను ప్రకటించింది.తూరు, గురుగ్రామ్ సమీపంలో 183,000 చ.అ. విస్తీర్ణంలో సమున్నతమైన గోదాం సౌకర్యాన్ని అభివృద్ధి చేయాలని ఎన్‌ఈసీసీ ప్రణాళిక వేస్తోంది. ఐదు ఎకరాల భూమిపై నిర్మించబడుతున్న ఈ సౌకర్యం, ఆధునిక రాకింగ్ సిస్టమ్లు, విద్యుత్ సామగ్రి నిర్వహణ పరికరాలు, మరియు 2 మెగావాట్ల సౌరశక్తి వ్యవస్థ వంటి సదుపాయాలను కలిగి ఉంటుంది. ఉద్యోగుల కోసం హౌసింగ్ ఫెసిలిటీ కూడా అందుబాటులో ఉంటుంది. ఇది కంపెనీ లాభదాయకతను పెంచడంలో కీలక పాత్ర పోషించనుంది. ఈ ప్రాజెక్టు కంపెనీ రిజర్వులతో పూర్తిగా నిధులు సమకూర్చి నిర్మించబడుతోంది. పైగా, ఇది గ్రీన్ లాజిస్టిక్స్‌లో ముందడుగు వేస్తున్న ఎన్‌ఈసీసీ యొక్క విశ్వాసాన్ని ప్రతిబింబిస్తుంది.ఎస్ జి గ్రీన్ లాజిస్టిక్స్ అనే సంస్థలో వ్యూహాత్మక పెట్టుబడి పెట్టినట్టు కంపెనీ వెల్లడించింది. భారీ ఎలక్ట్రిక్ వాహనాలను అందించడంలో నిబద్ధత కలిగిన ఈ సంస్థ ఇప్పటికే 50 ఈవీ ట్రక్కులు మరియు చార్జింగ్ స్టేషన్లను భారతదేశంలోని పలు ప్రాంతాల్లో ఏర్పాటు చేసింది.సుదీర్ఘమైన 56 సంవత్సరాల నుండి ఎన్‌ఈసీసీ లాజిస్టిక్స్ రంగంలో ఆగ్రగామిగా ఉన్నది. ఐటిసి, హిందాల్కో, మాన్‌కైండ్ ఫార్మా, సిప్లా వంటి అనేక ప్రముఖ సంస్థలతో ఎన్‌ఈసీసీ భాగస్వామ్యం కలిగి ఉంది. ఇది తమ సేవలను మరింత విస్తరించి, పరిశ్రమలో అగ్రస్థానాన్ని నిలబెట్టుకోవడంలో సహాయపడుతుంది.
About Author
