సీసీ కెమెరాలతో..దొంగతనాలు గొడవలకు బ్రేక్
1 min read
పల్లెవెలుగు వెబ్ మిడుతూరు (నందికొట్కూరు):గ్రామాల్లో సీసీ కెమెరాలు ఏర్పాటు చేసుకోవడం వల్ల దొంగతనాలను అరికట్టవచ్చని మిడుతూరు ఎస్ఐ హెచ్ ఓబులేష్ అన్నారు.నంద్యాల జిల్లా మిడుతూరు పోలీస్ స్టేషన్ ప్రాంగణంలో శనివారం సాయంత్రం మండలంలోని వివిధ గ్రామాల ప్రజలతో సీసీ కెమెరాలపై ప్రజలకు ఎస్సై అవగాహన కల్పించారు.ఈ సందర్భంగా ఎస్సై మాట్లాడుతూ ప్రస్తుతం జరుగుతున్న సంఘటనల గురించి ప్రతి గ్రామంలోని రోడ్డు,దేవాలయాలు,వీధుల్లో మరియు అంగళ్ళ దగ్గర సీసీ కెమెరాలు ఏర్పాటు చేసుకోవడం వల్ల దొంగతనాల వ్యక్తులను మరియు గొడవలు చేసిన వారిని అంతేకాకుండా తదితర సంఘటనలు ఏమైనా జరిగితే ఈ కెమెరాల ద్వారా వారిని వెంటనే గుర్తించవచ్చని అన్నారు.కెమెరాల కంపెనీ ప్రతినిధులతో అతి తక్కువ ధరతో మాట్లాడుతామని గ్రామాల్లో కెమెరాలను ఏర్పాటు చేసుకొనుటకు గ్రామాల రైతులు ప్రజలు ముందుకు రావాలని ఎస్సై ప్రజలకు సూచించారు.ఈ కార్యక్రమంలో ఏఎస్ఐ సుబ్బయ్య మరియు వివిధ గ్రామాల ప్రజలు పాల్గొన్నారు.
About Author
