పుట్టు వెంట్రుకలకు 1000.. సాధారణ గుండుకు 100
1 min read
oppo_2
పల్లెవెలుగు వెబ్ మహానంది: మహానంది క్షేత్రంలో ఒక వింత ఆచారానికి తెర లేపినట్లు భక్తులు ఆరోపిస్తున్నారు. క్షేత్రంలో పుట్టు వెంట్రుకలు తీయించుకోవాలంటే 1000 రూపాయలు, సాధారణ గుండు గీయించుకోవాలంటే వంద రూపాయలు పై మాటే గా గత కొన్ని రోజుల నుంచి కొనసాగుతున్నట్లు భక్తుల నుండి విమర్శలు వెలువెత్తుతున్నాయి. స్వామి అమ్మవార్ల మీద భక్తి విశ్వాసాలతో తలనీలాలు క్షేత్రంలో సమర్పించడం ఆనవాయితీగా వస్తుంది. మహానంది క్షేత్రంలో తలనీలాలు సమర్పించుకోవడానికి 25 రూపాయలు చెల్లించి టికెట్ తీసుకోవాల్సి ఉంటుంది. తలనీలాలు సమర్పించిన అనంతరం భక్తులు కానుకల రూపంలో లేదా ఇతరత్రా రూపంలో భక్తి భావంతో సమర్పిస్తే తీసుకోవాలి తప్ప కాదు కూడదని డిమాండ్ చేయడం ఎంతవరకు సబబు అని భక్తులు ప్రశ్నించడం చర్చనీయాంశంగా మారింది. అధికారులు విచారణ జరిపిస్తే పలు ఆసక్తికర విషయాలు వెలుగులోనికి వచ్చే అవకాశం ఉన్నట్లు తెలుస్తుంది.
About Author
