శ్రీ వెంకటేశ్వర స్వామి 23వ వార్షిక పవిత్రోత్సవాలు
1 min read
ఎమ్మెల్యే బడేటి దంపతులు
శ్రీ వెంకటేశ్వర స్వామికి ప్రత్యేక పూజలు
కళకళలాడిన రామచంద్రరావుపేట శ్రీ వెంకటేశ్వర స్వామి దేవస్థానం
పల్లెవెలుగు వెబ్ ఏలూరు జిల్లా ప్రతినిధి : స్థానిక ఆర్ఆర్ పేట శ్రీ వెంకటేశ్వర స్వామి వారి దేవస్థానం 23వ వార్షిక పవిత్రోత్సవాలు రామచంద్రరావు పేట వెంకటేశ్వర దేవస్థానంలో ఘనంగా జరిగాయి. ఈ సందర్భంగా సోమవారం ఉదయం ఏలూరు శాసనసభ్యులు బడేటి రాధాకృష్ణయ్య (చంటి) దంపతులు శ్రీ స్వామివారికి ప్రత్యేక పూజలు చేశారు. కార్యక్రమంలో నగర పాలక సంస్థ మేయర్ షేక్ నూర్జహాన్ పెదబాబు దంపతులు,కార్పొరేటర్ల, కో-ఆప్షన్ సభ్యులు, శ్రీ వెంకటేశ్వర స్వామి దేవస్థానం సందర్శించి స్వామివారి ఆశీస్సులు పొందారు. ఆలయ ఈవో ఎమ్మెల్యే దంపతులకు, మేయర్ దంపతులకు ఘన స్వాగతం పలికి ఆలయ మర్యాదలతో తీర్థ ప్రసాదాలు అందజేసి సత్కరించారు. సిబ్బంది అన్ని కార్యక్రమాలను, ప్రత్యేకంగా పర్యవేక్షించారు.
About Author
