బ్రహ్మకుమారి ఓం శాంతి భవనంలో “రక్షాబంధన్ వేడుకలు”
1 min read
పల్లెవెలుగు వెబ్ పత్తికొండ: పత్తికొండ పట్టణంలోని ప్రభుత్వ డిగ్రీ కళాశాల దగ్గర ఉన్న ప్రజాపిత బ్రహ్మకుమారి ఈశ్వరీయ ఓం శాంతి భవనంలో గురువారం నిర్వాహకులు శ్రీలక్ష్మి ఆధ్వర్యంలో రక్షాబంధన్ వేడుకలు నిర్వహించారు. ఈ కార్యక్రమానికి ముఖ్య అతిథులుగా ఆలూరు బ్రహ్మకుమారి ఈశ్వరీయ ఓం శాంతి నిర్వాహకులు అక్కయ్య బి.కే.లక్ష్మి హాజరై పలు విషయాలను తెలియజేశారు. మనిషి జీవితంలో ప్రశాంతతను అలవర్చుకోవాలని, టెన్షన్లు వదిలినప్పుడే జీవితం ప్రశాంతంగా ఉంటుందని అన్నారు. ప్రతి ఒక్కరు ధ్యానం చేస్తూ తనలోని శక్తిని తెలుసుకోవాలని సూచించారు. అనంతరం మాచాని శివకుమార్, పల్లవి వివాహం సందర్భంగా అన్నదానం నిర్వహించారు. ఈ కార్యక్రమంలో ప్రజాపిత బ్రహ్మకుమారి ఈశ్వరీయ ఓం శాంతి సభ్యులు శోభ, రంగస్వామి, రంగన్న, చిదానందం, గోవింద రెడ్డి తదితరులు పాల్గొన్నారు.
About Author
