‘సిల్వర్ జూబ్లీ ’లో. ..హిందీ దినోత్సవం…
1 min read
కర్నూలు, పల్లెవెలుగు: నగరంలోని సిల్వర్ జూబ్లీ కళాశాలలో సోమవారం హిందీ దినోత్సవాన్ని ఘనంగా నిర్వహించారు. సిల్వర్ జూబ్లీ కళాశాలలో హిందీ విభాగం అధ్యాపకురాలు పార్వతి ఆధ్వర్యంలో ఈ వేడుకలు నిర్వహించారు. సెక్టంబర్ 14 నుంచి 30వ తేదీ లోపు హిందీ దినోత్సవ వేడుకలు జరుపుకోవచ్చని అందులో భాగంగా నేడు నిర్వహిస్తున్నామని సిల్వర్ జూబ్లీ కళాశాల ప్రిన్సిపాల్ వీవీ.సుబ్రమణ్య కుమార్ తెలిపారు. ఈవేడుకలకు ముఖ్య అతిథిగా క్లస్టర్ యూనివర్సిటీ రిజిష్టర్ కే. వెంకటేశ్వర్లు పాల్గొన్నారు. ఈసందర్భంగా ఆయన మాట్లాడుతూ హిందీ బాష ప్రాముఖ్యతను వివరించారు. 1949 సంవత్సరం సెక్టంబర్ 14న జవహర్ లాల్ నెహ్రూ అధ్యక్షతన సమావేశం నిర్వహించి హిందీ ని జాతీయ బాషగా గుర్తించాలని నిర్ణయం తీసుకున్నారని తెలిపారు.అందులో భాగంగా 1953 సెక్టంబర్ 14న హిందీ ని జాతీయ బాషగా గుర్తించారని తెలిపారు. హిందిని పాఠ్యాంశంగా బోధిస్తున్నారని తెలిపారు. ప్రపంచ వ్యాప్తంగా 170 విశ్వవిద్యాలయాల్లో హిందీ బోదిస్తున్నారని 70 దేశాల్లో హిందీ బాష మాట్లాడుతున్నారని ఆయన పేర్కొన్నారు. ఈకార్యక్రమంలో క్లస్టర్ యూనివర్శిటీ రిజిస్టర్ వెంకటేశ్వర్లతో పాటు సిల్వర్ జూబ్లీ కళాశాల ప్రిన్సిపాల్ వీవీ. సుబ్రహ్మణ్య కూమార్,ఉస్మానియా కళాశాల అధ్యాపకులు డాక్టర్. సలీంబాష, సిల్వర్ జూబ్లీ హిందీ విభాగ అధిపతి యం. పార్వతి తదితరులు పాల్గొన్నారు.
About Author
