శ్రీ అన్నపూర్ణా దేవి అలంకరణ తో దర్శనమిస్తున్న అమ్మవారు
1 min read
పల్లెవెలుగు వెబ్ ప్యాపిలి : నవరాత్రులలో భాగంగా దసరాఉత్సవాలను పురస్కరించుకొని శనివారం మూడవ రోజు అమ్మవారు శ్రీ అన్నపూర్ణా దేవి అలంకరణ తో భక్తులకు దర్శనమిచ్చారని ప్యాపిలి ఆర్యవైశ్య సంఘం పట్టణ అధ్యక్షులు రాజా మురళీకృష్ణ తెలిపారు. ఈ సందర్భంగా ఆయన మాట్లాడుతూ దసర శరన్నవరాత్రుల సందర్భంగా ప్యాపిలి పట్టణంలోని స్థానిక అమ్మవారిశాల నందు శ్రీవాసవీ అమ్మవారిని శ్రీ అన్నపూర్ణా దేవి అలంకరణ చేయడం జరిగిందన్నారు. అలాగే శరన్నవరాత్రులను పురస్కరించుకొని అన్ని ఏర్పాట్లు చేశామన్నారు. తొమ్మిదిరోజుల పాటు అమ్మవారి వివిధ రూపాలలో సుందరంగా అలంకరించడం జరుగుతుందన్నారు. అమ్మవారి దర్శనార్థం వచ్చిన భక్తులకు తీర్థప్రసాదాలు అందజేసినట్లు ఆయన తెలిపారు. ఈ కార్యక్రమంలో ఆర్యవైశ్య మహిళలు, ఆ సంఘం నాయకులు, సభ్యులు తదితరులు పాల్గొన్నారు.
About Author
