దేవరగట్టు బన్నీ ఉత్సవాలు విజయవంతం
1 min read
కలెక్టర్, ఎస్పీని అభినందించిన జన విజ్ఞాన వేదిక రాష్ట్ర అధ్యక్షుడు సురేష్ కుమార్
కర్నూలు, పల్లెవెలుగు: దేవరగట్టు బన్నీ ఉత్సవాలను పకడ్బందీగా, ప్రణాళికా బద్ధంగా నిర్వహించిన కలెక్టర్ పి. రంజిత్ బాషా, ఎస్పీ బిందు మాధవ్ ను బుధవారం జన విజ్ఞాన వేదిక రాష్ట్ర అధ్యక్షుడు బి. సురేష్ కుమార్ అభినందనలు తెలిపారు. సాంప్రదాయ బద్ధంగా జరిగిన బన్నీ ఉత్సవాల్లో దాదాపు రెండున్నర లక్షలమంది పాల్గొన్నా.రని, ఉత్సవాల్లో భాగంగా తక్కువ మందికి గాయాల పాలయ్యారన్నారు. ఉన్నతాధికారుల పకడ్బందీగా తీసుకున్న నిర్ణయాలతో బన్నీ ఉత్సవం విజయవంతమైందన్నారు. అదేవిధంగా పోలీస్ , రెవెన్యూ , హెల్త్, పారిశుధ్య సిబ్బందికి కూడా వేదిక అభినందనలు తెలుపుతుందని జన విజ్ఞాన వేదిక రాష్ట్ర అధ్యక్షులు బి సురేష్ కుమార్ అన్నారు. అనంతరం కలెక్టర్ పి. రంజిత్ బాషా మాట్లాడుతూ ఎస్పీ ,ఆదోని సబ్ కలెక్టర్,అక్కడి వివిధ విభాగాల సిబ్బంది చక్కగా సమన్వయంతో పనిచేశారని కొనియాడారు. ఈ కార్యక్రమంలో జన విజ్ఞాన వేదిక జిల్లా ప్రధాన కార్యదర్శి ప్రతాపరెడ్డి రాష్ట్ర కార్యదర్శి శేషాద్రి రెడ్డి, మొహమ్మద్ మియ్య,మంజూరు భాష శ్రీరాములు, రమేష్, రామ లక్ష్మణ్,శివ, బాష, ఆఫ్రిద్ తదితరులు పాల్గొన్నారు.
About Author
