ఇంటర్ విద్యార్థిని ఆత్మహత్య..
1 min read
ప్రేమ విఫలంతో మరో యువకుడు..
పల్లెవెలుగు వెబ్ మిడుతూరు (నందికొట్కూరు) : ఇంటర్ మొదటి సంవత్సరం చదువుతున్న అనూష (16) అనే విద్యార్థి పురుగుల మందు సేవించి ఆత్మహత్య చేసుకుంది.మిడుతూరు ఎస్ఐ హెచ్ ఓబులేష్ తెలిపిన వివరాల మేరకు నంద్యాల జిల్లా మిడుతూరు మండల కేంద్రంలోని బోయ శ్రీనివాసులు,సరస్వతి ల కుమార్తె అనూష కర్నూలులో కెవిఆర్ కళాశాలలో ఇంటర్ చదువుతోందని అన్నారు. ఏమి జరిగిందో ఏమో కానీ శనివారం సాయంత్రం ఇంట్లో ఎవరూ లేరు సమయంలో పురుగుల మందు తాగింది గమనించిన కుటుంబ సభ్యులు కర్నూల్ ప్రభుత్వ ఆసుపత్రికి తరలించి అక్కడ చికిత్స పొందుతూ ఉండగా ఆదివారం ఉదయం మరణించిందని అన్నారు. పోస్టుమార్టం అనంతరం సోమవారం సాయంత్రం అంత్యక్రియలు నిర్వహించారు.అదేవిధంగా మరో యువకుడు చౌటుకూరు గ్రామంలో ఈసా మౌలాలి, నాగేశ్వరమ్మ కుమారుడు బోయ పురుషోత్తం (26) నందికొట్కూరులో వారి బంధువుల ఇంటి దగ్గర సోమవారం ఉ 9 గం.కు పురుగుల మందు సేవించాడు అనంతరం అతనిని కర్నూలు ప్రభుత్వ ఆసుపత్రికి తరలించినట్లు గ్రామస్తులు తెలిపారు.ఇతను కూలీ పని చేసేవాడని అన్నారు.ఇతను ప్రేమించిన ఓ అమ్మాయి మృతి చెందడంతోనే యువకుడు ఆత్మహత్యకు యత్నించినట్లు గ్రామస్తులు తెలిపారు.ఇతను కర్నూలులో చికిత్స పొందుతున్నాడని వారు అన్నారు.
About Author
