రాష్ట్ర బాక్సింగ్ పోటీలకు ఉల్చాల స్కూల్ విద్యార్థులు ఎంపిక
1 min read
పల్లెవెలుగు వెబ్ కర్నూలు: రాష్ట్రస్థాయి స్కూల్ గేమ్స్ అండర్ 17బాలికల బాక్సింగ్ పోటీలకు ఉల్చాల జిల్లా పరిషత్ స్కూల్ విద్యార్థినీలు ఎంపిక కావడం హర్షనీయమని ప్రధానోపాధ్యాయురాలు సర్తాజ్ఉన్ని సాబేగం అభినందించారు. పాఠశాలలో బుధవారం జరిగిన అభినందన కార్యక్రమంలో ఆమె మాట్లాడుతూఇటీవల నంద్యాలలో జరిగినజిల్లాస్థాయి బాక్సింగ్ అండర్ 17 విభాగం ఎంపిక పోటీల్లో తమ పాఠశాల విద్యార్థినీలు విష్ణుప్రియ, రాణి ప్రసన్నకుమారి,అమూల్య,సమ్రీన్లు చక్కని క్రీడా ప్రతిభను ప్రదర్శించి రాష్ట్ర స్థాయి పోటీలకు ఎంపిక కావడం సంతోషకరమన్నారు.విద్యార్థినిల క్రీడా ప్రతిభ ను వెలికితీయించిన ఫిజికల్ డైరెక్టర్ అరుణ పి ఈ టి సిరాజ్ కృషిని ప్రశంసించారు.రాష్ట్రస్థాయి పోటీలలోను చక్కని ప్రతివను ప్రదర్శించి జాతీయ స్థాయికి ఎంపిక కాగలరని ఆకాంక్షను వ్యక్తం చేశారు.పాఠశాల ఉపాధ్యాయ బృందం వ్యాయామ ఉపాధ్యాయులను ,విద్యార్థులను అభినందించారు.
About Author
