నిరుపయోగంగా ఉన్న ప్రభుత్వ స్థలంలో అంగన్వాడి శాశ్వత భవనం నిర్మించండి
1 min read
హోళగుంద 4 వ వార్డు కాలనీవాసులు
పల్లెవెలుగు వెబ్ హోళగుంద: హోళగుంద మండల కేంద్రంలోని 4 వ వార్డులో గల 9 సెంట్ల ప్రభుత్వ స్థలం నిరుపయోగంగా ఉందని, ఈ స్థలంలో శాశ్వత అంగన్వాడి భవనం కానీ, ప్రాథమిక పాఠశాల భవనం కానీ నిర్మించాలని నాలుగవ వార్డు కాలనీవాసులు హోళగుంద పంచాయతీ కార్యదర్శి కి, మండల అభివృద్ధి అధికారిణికి, డిప్యూటీ తహసిల్దార్ కు వినతి పత్రం ఇచ్చారు. ఈ సందర్భంగా వారు మాట్లాడుతూహోళగుంద మండల కేంద్రంలోని 4 వ వార్డులో గల 9 సెంట్ల ప్రభుత్వ స్థలంలో చెత్తా చెదారం పేరుకోని పోయిందని, దీనివలన దోమల, ఈగలు ఇళ్లలో చేరి ప్రజలు రోగాలబారిన పడుతున్నారు అని ఆవేదన వ్యక్తం చేశారు.ఖాళీగా ఉన్న స్థలంలో చెత్తా చెదారం రోడ్డుపైనే పడేయడం వల్ల ఈ రోడ్డు పై తిరగడానికి కూడా చాలా ఇబ్బందికరంగా మారింది అని అన్నారు.ఈ స్థలంలో ప్రభుత్వ అంగన్వాడీ భవనం కానీ, ప్రభుత్వ ప్రాథమిక పాఠశాల కానీ ఏర్పాటు చేస్తే ఇక్కడి ప్రజలకు ఉపయోగకరంగా ఉంటుందని అన్నారు. 4 వ వార్డు నందు ప్రభుత్వ అంగన్వాడీ భవనం లేక గర్భిణీ స్త్రీలు, బాలింతలు, అదేవిధంగా ప్రభుత్వ ప్రాథమిక పాఠశాల లేక ఇక్కడి విద్యార్థులు తీవ్ర ఇబ్బందులు ఎదుర్కొంటున్నారన్నారు.సదరు స్థలంలో అంగన్వాడీ భవనము కానీ, ప్రభుత్వ ప్రాథమిక పాఠశాల కానీ ఏర్పాటు చేయాలని కోరారు. ఈ కార్యక్రమంలో నాలుగవ వార్డు కాలనీవాసులు అబ్దుల్ ఖాదర్, తాహెర్, చాంద్ భాషా, సిబిఎన్ ఆర్మీ, తెదేపా యువ నాయకుడు మోహిన్,సద్దాం, వాహీద్,ఉజేర్, ఉజెఫా,అబ్దుల్లా, ఖలీల్, నూరుల్లా, మహమ్మద్ గౌస్, జుబేర్, మతిన్, నజీర్, వారిస్, సత్తార్, సుభాన్, ఆదం, తదితరులు పాల్గొన్నారు.
About Author
