‘ మత్తు’కు..బానిస కావొద్దు..

బంగారు భవిష్యత్​ ను నాశనం చేసుకోవద్దు..

• సీనియర్​ మానసిక వైద్య నిపుణులు డా. రమేష్​ బాబు

కర్నూలు, పల్లెవెలుగు:సమాజంలో యువత చెడు అలవాట్లకు బానిసై… బంగారు భవిష్యత్​ ను నాశనం చేసుకుంటున్నారని ఆందోళన వ్యక్తం చేశారు సీనియర్​ మానసిక వైద్య నిపుణులు డా. రమేష్​ బాబు. దివంగత నేత  జవహర్​ లాల్​ నెహ్రూ జయంతి ఉత్సవాల్లో భాగంగా మంగళవారం కర్నూలు ప్రభుత్వ బాలుర పరిశీలన గృహంలో ‘మత్తు పదార్థాల వల్ల కలిగే నష్టాలపై అవగాహన సదస్సు నిర్వహించారు. సెంటర్​ కార్య నిర్వహణాధికారి హుసేన్​ బాషా నేతృత్వంలో జరిగిన కార్యక్రమంలో మానసిక వైద్య నిపుణులు డా. రమేష్​ బాబు, డా. చైతన్య కుమార్​ ముఖ్య అతిథులుగా విచ్చేసి మత్తు పదార్థాల వల్ల కలిగే నష్టాలపై అవగాహన కల్పించారు. ఈ సందర్భంగా డా. రమేష్​ బాబు మాట్లాడుతూ మద్యపానం, గంజాయి,నల్లమందు, కొకైను తదితర మత్తు పదార్థాలు వాడే యువత అనారోగ్య పాలవుతున్నారని ఆవేదన వ్యక్తం చేశారు. చెడు అలవాట్లకు దూరంగా ఉండాలని,    విద్యాపరమైన ఒత్తిళ్లు , పాఠశాలలందు ఆటపాటలకు అవకాశం లేక… ప్రతిభను బహిర్గతమవడానికి అవకాశాల రాహిత్యము, జన్యు సంబంధ కారణాలు,  డ్రగ్సు సులభంగా లభ్యమగుట వంటి దుష్పపరిణామాల వల్ల నష్టపోతారన్నారు. విద్యార్థి దశ నుంచే లక్ష్యం పెట్టుకుని చదివితే.. ఉజ్వల భవిష్యత్​ ఉంటుందని, ఆ దిశగా కృషి చేయాలని ఈ సందర్భంగా డా. రమేష్​ బాబు సూచించారు. అనంతరం   డా.చైతన్య కుమార్  ఈ మాదకద్రవ్యాల తోపాటు చరవాని (సెల్ ఫోన్)దుర్వ్యసనము మొఃగు వాటి వల్ల సంభవించే శారీరక, మానసిక, సామాజిక, ఆర్థిక పరమైన దుష్పరిణామల గురించి క్షణ్ణంగా వివరించారు.

About Author

PALLEVELUGU

See author's posts