ప్రియాంక గాంధీకి అభినందనలు…
1 min read
ఇందిరమ్మ ప్రతిరూపం పార్లమెంటులో అడుగు పెట్టబోతుంది
జిల్లా కాంగ్రెస్ అధ్యక్షులు పరిగెల మురళీకృష్ణ
పల్లెవెలుగు వెబ్ కర్నూలు: కాంగ్రెస్ పార్టీ అగ్ర నాయకురాలు శ్రీమతి ప్రియాంక గాంధీ గారికి కర్నూలు జిల్లా కాంగ్రెస్ కమిటీ అధ్యక్షులు, మాజీ ఎమ్మెల్యే, తిరుమల తిరుపతి దేవస్థానం పాలకమండలి మాజీ సభ్యులు పరిగెల మురళీకృష్ణ గారు అభినందనలు తెలియజేశారు. ఆదివారం జిల్లా కాంగ్రెస్ పార్టీ కార్యాలయం నుండి విడుదల చేసిన పత్రికా ప్రకటనలో మురళీకృష్ణ మాట్లాడుతూ జార్ఖండ్లో కాంగ్రెస్ పార్టీ విజయం సాధించడం, అలాగే వయనాడులో కాంగ్రెస్ పార్టీ అగ్ర నేత ప్రియాంక గాంధీ అఖండ విజయం సాధించడంతో భారతరత్న, ఉక్కు మహిళ, భారత మాజీ ప్రధానమంత్రి శ్రీమతి ఇందిరా గాంధీ ప్రతిరూపం ప్రియాంక గాంధీ పార్లమెంటులో అడుగు పెట్టబోతుందని కాంగ్రెస్ పార్టీ శ్రేణులలో ఉత్సాహం నెలకొందని దేశంలో ప్రజాస్వా మ్యం, లౌకికవాద పరిరక్షణకు, దేశ అభివృద్ధికి రాహుల్ గాంధీ కుటుంబం ప్రాణ త్యాగాలను సైతం చేసిందన్నారు. జార్ఖండ్ ఫలితం, ప్రియాంక గాంధీ 4 లక్షల పైగా మెజారిటీ సాధించడం ఊహించని పరిణామమన్నారు. భవిష్యత్తు కాంగ్రెస్ పార్టీదేనిని రాహుల్ గాంధీ ప్రధాని కావడం ఖాయమని ఈ సందర్భంగా ఆయన స్పష్టం చేశారు. ప్రియాంక గాంధీ వయనాడు ఎన్నికల్లో నాలుగు లక్షలకు పైగా ఓట్లతో విజయం సాధించి ప్రభంజనం సృష్టించారన్నారు. ప్రజలు కాంగ్రెస్ ను ఆదరించడానికి సిద్ధంగా ఉన్నారనడానికి ఇదే నిదర్శనం అన్నారు. భవిష్యత్తులో ఆంధ్రప్రదేశ్లో షర్మిలమ్మ నాయకత్వంలో కాంగ్రెస్ అధికారంలోకి వస్తుందని వారు ధీమా వ్యక్తం చేశారు. దేశంలో మైనార్టీలు, ఎస్సీ, ఎస్టీ, బీసీలు కాంగ్రెస్ వెనకే ఉన్నారని తెలిపారు. దేశం అన్ని రంగాల్లో అభివృద్ధి చెందాలంటే కాంగ్రెస్ తోనే సాధ్యమన్నారు. జార్ఖండ్ ఎన్నికల ఫలితాలు భవిష్యత్తులో అన్ని రాష్ట్రాల్లో పునరావృతం అవుతాయని మురళీకృష్ణ అభిప్రాయపడ్డారు.
About Author
