క్రీడాకారులను అన్ని విధాలుగా సహకరిస్తా
1 min read
శ్రీశైలం నియోజకవర్గ శాసనసభ్యులు బుడ్డా రాజశేఖర్ రెడ్డి
పల్లెవెలుగు వెబ్ ఆత్మకూరు: జాతీయస్థాయి మరియు రాష్ట్ర స్థాయి స్కూల్ గేమ్స్ ఫెడరేషన్ మరియు సీనియర్ జూనియర్ నేషనల్ క్రీడల్లో పాల్గొని మెడల్స్ సాధించిన వారికి ఆత్మకూరు స్పోర్ట్స్ క్లబ్ చైర్మన్ పస్పిల్ మున్నా ఆధ్వర్యంలో శ్రీశైలం నియోజకవర్గ శాసనసభ్యులు శ్రీ.బుడ్డా రాజశేఖర్ రెడ్డి చేతుల మీదుగా మెడల్స్ మరియు మెమొంటో ఇవ్వడం జరిగింది. ఈ సందర్భంగా ఎంఎల్ఏ బుడ్డా రాజశేఖర్ రెడ్డి మాట్లాడుతూ ఆత్మకూరు పట్టణం క్రీడలకు పుట్టినిల్లు అని ప్రతి ఒక్కరూ చదువుతో పాటు క్రీడల్లో శిక్షణ తీసుకొని భవిషత్తు లో ఉద్యోగ నియామకాల్లో మంచి హోదాలు పొందాలని తెలిపారు. ఆత్మకూరు స్పోర్ట్స్ క్లబ్ ఆధ్వర్యంలో స్థానిక స్టేడియం లో అన్ని క్రీడలకు శిక్షణ ఇస్తున్నారని ప్రతిఒక్కరూ సద్వినియోగం చేసుకోవాలని విద్యార్థులకు మరియు వారి తల్లిదండ్రులను విజ్ఞప్తి చేశారు. ఈ సంవత్సరంలో ఆత్మకూరు పట్టణం మరియు మండలానికి చెందిన విద్యార్థులు ఐదు జాతీయస్థాయి మరియు ఇరవై ఆరు రాష్ట్ర స్థాయి కి ఎంపిక అవ్వడం గర్వించదగ్గ విషయమన్నారు. క్రీడలకు శిక్షణ ఇచ్చి వారిని ప్రొచ్చహించిన ఆత్మకూరు స్పోర్ట్స్ క్లబ్ చైర్మన్ పస్పిల్ మున్నా,దేవానంద్,మహబూబ్ బాషా, అక్బర్, ఉపేంద్ర, ఖాజా హుస్సేన్ లను ఎంఎల్ఏ బుడ్డా రాజశేఖర్ రెడ్డి అభినందించారు. రాబోయే రోజుల్లో క్రీడాకారులకు కావాల్సిన ప్రతి ఒక్క సౌకర్యం కల్పిస్తామన్నారు. ఈ కార్యక్రమంలో రైల్వే వాలీబాల్ కోచ్ నిమ్మి కృష్ణ యాదవ్,జాతీయ వాలీబాల్ కోచ్ అజ్గార్ అలి, మరియు నరసింహారావు పాల్గొన్నారు.
About Author
