స్ప్రైపిల్ 2.0 ప్రారంభించిన మంత్రి శ్రీధర్ బాబు

పల్లెవెలుగు వెబ్  హైదరాబాద్ : స్మార్ట్ హాజరు, పేరోల్, ఫీల్డ్ ఫోర్స్ మేనేజ్‌మెంట్‌ కోసం రూపొందించబడిన నూతనతరం ఏఐ ఆధారిత ప్లాట్‌ఫారమ్ స్ప్రైపిల్ 2.0 ను టి-హబ్‌లో జరిగిన టీకాన్సల్ట్ కొలాబరేషన్ కాన్‌క్లేవ్ 2024 సందర్భంగా తెలంగాణ రాష్ట్ర ఐటీ మంత్రివర్యులు డాక్టర్ శ్రీధర్ బాబు  చేతులమీదుగా అధికారికంగా ప్రారంభించారు. ఈ కార్యక్రమంలో ప్రభుత్వ అధికారులు, నాయకులు, టెక్నాలజీ నూతన ఆవిష్కర్తలు పాల్గొని, వ్యాపార నిర్వహణలో టెక్నాలజీ మార్పుల ప్రభావాన్ని చర్చించారు.ఈ సందర్భంగా మంత్రి డాక్టర్ శ్రీధర్ బాబు మాట్లాడుతూ, “ఇలాంటి ప్రాజెక్టులు తెలంగాణను గ్లోబల్ ఇన్నొవేషన్ హబ్‌గా గుర్తింపు పొందేలా చేస్తాయి. వ్యాపార సంస్థలు టెక్నాలజీ ఆధారిత సమర్థతను అనుసరించడం ద్వారా మరింత స్మార్ట్‌గా ముందుకు సాగగలవు” అని అభిప్రాయపడ్డారు.స్ప్రైపిల్ 2.0 ప్రధానంగా హాజరు ట్రాకింగ్‌ను సులభతరం చేయడం, పేరోల్ ప్రాసెసింగ్‌ను సాఫీగా నిర్వహించడం, మరియు ఫీల్డ్ ఫోర్స్ మేనేజ్‌మెంట్‌ను మెరుగుపరచడం. ఈ నూతనతరం ప్లాట్‌ఫారమ్ చిన్న, మధ్యతరహా పరిశ్రమలు (SMEs) మరియు పెద్ద సంస్థల ఉత్పాదకతను పెంచేందుకు అత్యుత్తమ పరిష్కారాలను అందిస్తుంది. స్ప్రైపిల్ సీఈఓ శ్రీ వెంకట్ బూరా  మాట్లాడుతూ, “గ్లోబల్ వ్యాపార అవసరాలను తీర్చగల అధునాతన, అందుబాటు పరిష్కారాలను అందించడమే మా ప్రధాన లక్ష్యం” అని అన్నారు.స్ప్రైపిల్ వైస్ ప్రెసిడెంట్ శ్రీమతి మంజు భార్గవి దియ్య ఈ సందర్భంగా స్ప్రైపిల్ యొక్క ప్రత్యేకతలను వివరించారు. “చిన్న పరిశ్రమల అవసరాలకు అనుగుణంగా రూపొందించిన ఈ ప్లాట్‌ఫారమ్ ఆపరేషనల్ సామర్థ్యాన్ని మెరుగుపరచడమే కాకుండా, వ్యయాన్ని తగ్గించి, వ్యాపారాలకు అనుకూలమైన పరిష్కారాలను అందిస్తుంది” అని తెలిపారు.ఇండస్ట్రీ నాయకులు స్ప్రైపిల్ అభ్యుదయానికి ప్రశంసలు తెలుపుతూ, “ఇది వ్యాపార రంగంలో ప్రత్యేకమైన అవసరాలకు సరిపోయే శ్రేయస్కరమైన పరిష్కారాలను అందించడంలో గొప్ప ముందడుగు” అని అభినందించారు. ఈ కార్యక్రమం టి-హబ్ యొక్క నవోన్నతిని మరియు సహకార దృక్పథాన్ని ప్రోత్సహించే దిశగా కీలకంగా నిలిచింది.స్ప్రైపిల్ గురించి మరిన్ని వివరాలకు సందర్శించండి: www.spryple.com.

About Author

PvNews1

See author's posts