ఎముక మజ్జ మార్పిడితో..రోగ నిరోధక వ్యవస్థ మెరుగు…
1 min read
హైటెక్ సిటీలో గల యశోద హాస్పిటల్ డా. గణేష్ జైషేత్వార్
- నేడు ప్రపంచ బోన్ మ్యారో ట్రాన్స్ప్లాంట్ దినోత్సవం
కర్నూలు, పల్లెవెలుగు :
మనిషిలో అనారోగ్యకరమైన ఎముక మజ్జను ఆరోగ్యకరమైన కణాలతో భర్తీ చేసే ప్రక్రియను జీవితంపై ఆశను పెంపొదించడం ఎముక మజ్జ మార్పిడి బోన్ మ్యారో ట్రాన్స్‌ప్లాంట్స్ అంటారని పేర్కొన్నారు హైటెక్ సిటీలో గల యశోద హాస్పిటల్ డా. గణేష్ జైషేత్వార్. బుధవారం హైదరాబాద్‌లోని యశోద హాస్పిటల్స్ హైటెక్ సిటీ వారు కర్నూలులో ప్రపంచ బోన్ మ్యారో ట్రాన్స్ప్లాంట్ దినోత్సవం సందర్భంగా విలేకరుల సమావేశం నిర్వహించారు. ఈ సందర్భంగా యశోద హాస్పిటల్ డా. గణేష్ జైషేత్వార్ మాట్లాడుతూ ప్రతి సంవత్సరం, గ్లోబల్ కమ్యూనిటీ వారు ప్రపంచ బోన్ మారో ట్రాన్స్ప్లాంట్ డేను జరుపుతుంటారు. ప్రపంచవ్యాప్తంగా రక్త స్టెమ్ సెల్ దాతలకు కృతజ్ఞతలు తెలుపుతూ ఈ కార్యక్రమం నిర్వహించారు. బ్లడ్ క్యాన్సర్‌తో బాధపడుతున్న వారిని చేరుకోవడానికి మరియు వారికి సహాయం చేసే విధంగా ఇతరులను ప్రేరేపించడం ఈ సమావేశం యొక్క ఉద్దేశ్యం.
బోన్ మ్యారో ట్రాన్స్‌ప్లాంట్స్ యొక్క ప్రాముఖ్యత:
బోన్ మ్యారో ట్రాన్స్‌ప్లాంట్స్ని హెమటోపోయిటిక్ స్టెమ్ సెల్ ట్రాన్స్ప్లాంట్ అని కూడా పిలుస్తారు. ఎముక మజ్జ మార్పిడి బోన్ మ్యారో ట్రాన్స్‌ప్లాంట్స్ అనేది అనారోగ్యకరమైన ఎముక మజ్జను ఆరోగ్యకరమైన కణాలతో భర్తీ చేసే క్లినికల్ ప్రక్రియ. లుకేమియా, మైలోమా, లింఫోమా, ట్రాన్స్‌ఫ్యూజన్ డిపెండెంట్ తలసేమియా, సికిల్ సెల్ డిసీజ్ మరియు ఇతర తీవ్రమైన రక్త సంబంధిత రోగనిరోధక వ్యవస్థ లోపాలు వంటి కొన్ని రకాల రక్త రుగ్మతలతో బాధపడుతున్న రోగులకు ఇది నిర్వహించబడుతుంది. ఈ ప్రక్రియలో దెబ్బతిన్న లేదా వ్యాధిగ్రస్తులైన ఎముక మజ్జను ఆరోగ్యకరమైన మూలకణాలతో భర్తీ చేస్తారు. ఇది రోగి యొక్క రక్తం మరియు రోగనిరోధక వ్యవస్థను పునరుత్పత్తి చేయగలదు.
బోన్ మ్యారో ట్రాన్స్‌ప్లాంట్స్ లో సాధించిన విజయాలు మరియు మైలురాళ్ళు:
గత కొంత దశాబ్దాలుగా, బోన్ మ్యారో ట్రాన్స్‌ప్లాంట్స్ చికిత్సలో గణనీయమైన పురోగతిని సాధించడం జరిగింది. ఈ బోన్ మ్యారో ట్రాన్స్‌ప్లాంట్స్ చికిత్సను 1956లో మొట్టమొదటిగా డాక్టర్. ఇ. డోనాల్ థామస్ విజయవంతవంతంగా నిర్వహించారు. అప్పటి నుంచి ఈ చికిత్సలో అనేక అనుకూలతను మెరుగుపరిచే మరియు సంక్లిష్టతలను తగ్గించే ప్రస్తుత అధునాతన పద్ధతుల వరకు సాగుతున్న ఈ ప్రయాణం చాలా విశేషమైనది. అయితే నేడు, ప్రతి సంవత్సరం ప్రపంచవ్యాప్తంగా వేలాది మంది ప్రజలు ఈ ఆపరేషన్ ద్వారా ప్రయోజనం పొందుతున్నారు. హైదరాబాద్‌లోని యశోద హాస్పిటల్‌లో, గత పది సంవత్సారాల్లో 500కి పైగా బోన్ మ్యారో ట్రాన్స్‌ప్లాంటేషన్‌లను విజయవంతంగా నిర్వహించినట్లు హైదరాబాద్‌లోని హైటెక్ సిటీలో గల యశోద హాస్పిటల్ డా. గణేష్ జైషేత్వార్ కన్సల్టెంట్ హెమటాలజిస్ట్, హెమటో-ఆంకాలజిస్ట్ & బోన్ మ్యారో ట్రాన్స్ప్లాంట్ ఫిజిషియన్) తెలిపారు. డాక్టర్ గణేష్ జేషేత్వార్ (కన్సల్టెంట్ హెమటాలజిస్ట్, హెమటో-ఆంకాలజిస్ట్ & బోన్ మ్యారో ట్రాన్స్ప్లాంట్ ఫిజిషియన్) క్యాన్సర్ పరిశోధన మరియు చికిత్సలో వచ్చిన తాజా పురోగతి విషయాలను స్పష్టంగా వెల్లడించారు.
About Author
