యూపీలో ‘కార్డియాలజి’ విధానాలపై పరిశీలన
1 min read
లక్నోలో కార్డియాలజి మీటింగ్ లో పాల్గొన్న డా. చంద్రశేఖర్
కర్నూలు, పల్లెవెలుగు:ఉత్తర్ ప్రదేశ్లోని లక్నోలో గుండెకు సంబంధించిన వ్యాధులపై చికిత్స, శస్ర్తచికిత్స తదితర అంశాలను పరిశీలించినట్లు కర్నూలు ప్రభుత్వ సర్వజన హాస్పిటల్ కార్డియాలజి ప్రొఫెసర్ డా. చంద్రశేఖర్ తెలిపారు. ఆదివారం లక్నోలో కార్డియాలజికల్ సొసైటీ ఆఫ్ ఇండియా ఎగ్జిక్యూటివ్ కమిటీ మీటింగ్ జరిగింది. సమాశంలో భాగంగా ఉత్తర ప్రదేశ్లో గుండెకు సంబంధించిన సర్జరి, బైపాస్ సర్జరి తదితర వాటిని పరిశీలించిన అనంతరం చర్చించినట్లు ఆంధ్ర ప్రదేశ్ తరుపున కమిటీ మెంబరైన డా. చంద్రశేఖర్ పేర్కొన్నారు. ఈ ఏడాది డిసెంబరు 5 నుంచి 8వ తేదీ వరకు లక్నోలో జరుగు కార్డియాలజికల్ సొసైటీ ఆఫ్ ఇండియా ఎగ్జిక్యూటివ్ కమిటీలో దేశంలోని ప్రతి రాష్ట్రం నుంచి మెంబర్లు పాల్గొంటారని, అందులో భాగంగానే మూడు నెలలపాటు యూపీలో ప్రభుత్వ ఆస్పత్రులలో సర్జరీ, బైపాస్ సర్జరికి సంబంధించి అందించే చికిత్స, తదితర విధానాలను పరిశీలిస్తున్నట్లు ఆయన పేర్కొన్నారు. దేశంలోని ప్రతి రాష్ట్రం తరుపున కార్డియాలజీ వైద్యులు ఈ కమిటీ మీటింగ్ లో పాల్గొంటారని ఈ సందర్భంగా డా. చంద్రశేఖర్ వెల్లడించారు. కాగా కార్డియాలజికల్ సొసైటీ ఆఫ్ ఇండియా ఎగ్జిక్యూటివ్ కమిటీ మీటింగ్కు డా. చంద్రశేఖర్ ఎంపికై.. యూపీలో ఏపీ విధానాలను కూడా వివరించడం అభినందించదగ్గ విషయమని ఇండియన్ మెడికల్ సొసైటీ (ఐఎంఏ) సభ్యులు డా. రామచంద్ర నాయుడు, వైస్ ప్రెసిడెంట్ డా. విజయమోహన్ తెలిపారు.
About Author
