ఈనెల 31న పత్తికొండకు సీఎం రాక
1 min read
పల్లెవెలుగు వెబ్ పత్తికొండ: ఆంధ్ర ప్రదేశ్ గౌరవ ముఖ్యమంత్రివర్యులు నారా చంద్రబాబు నాయుడు ఈనెల 31న పత్తికొండకు రానున్నట్లు స్థానిక ఎమ్మెల్యే కేఈ శ్యాం కుమార్ తెలిపారు. 2014 సంవత్సరం తర్వాత ముఖ్యమంత్రి హోదాలో నారా చంద్రబాబు నాయుడు పత్తికొండకు రావడం ప్రాధాన్యతను సంతరించుకుంది. కర్నూలు జిల్లా పర్యటనలో భాగంగా ముఖ్యమంత్రి నారా చంద్రబాబు నాయుడు పత్తికొండ మండలంలోని పుచ్చకాయలమడ గ్రామాన్ని సందర్శించి సామాజిక పింఛన్లు పంపిణీ చేయనున్నట్లు ఆయన చెప్పారు. సెప్టెంబర్ ఒకటో తారీఖున పంపిణీ చేయాల్సిన సామాజిక పింఛన్లు ఆదివారం సెలవు రోజు కావడంతో ఒకరోజు ముందుగా 31వ తారీఖున పింఛన్లు పంపిణీ చేయనున్నట్లు ఎమ్మెల్యే మీడియాకు తెలిపారు. ముఖ్యమంత్రి నారా చంద్రబాబు నాయుడు రాకకు అన్ని ఏర్పాట్లు సిద్ధం చేసినట్లు ఆయన వివరించారు. ఈ మేరకు గురువారం నాడు ఎమ్మెల్యే శ్యాం కుమార్ ఆర్డీవో రామలక్ష్మి కలిసి హెలికాప్టర్ ల్యాండింగ్ కు స్థల పరిశీలన చేశారు.
About Author
