కలెక్టర్ కు మెమోంటో అందజేత
1 min read
కర్నూలు హెల్త్ క్లబ్ కు రావాలని సభ్యుల వినతి
కర్నూలు, పల్లెవెలుగు:ప్రపంచ హృదయ దినోత్సవం (సెప్టెంబరు 29న ) సందర్భంగా కలెక్టరేట్ లోని సునయన ఆడిటోరియంలో నిర్వహించిన కార్యక్రమం విజయవంతమయ్యేందుకు పూర్తిగా సహకరించిన కలెక్టర్ , కర్నూలు హెల్త్ క్లబ్ చైర్మన్ పి. రంజిత్ బాషా కు కర్నూలు హార్ట్ ఫౌండేషన్ సభ్యులు కృతజ్ఞతలు తెలిపారు. మంగళవారం కలెక్టర్ పి. రంజిత్ బాషాను ఆయన ఛాంబరులో హెల్త్ క్లబ్ ప్రధాన కార్యదర్శి , ప్రొఫెసర్ డా. చంద్రశేఖర్ నేతృత్వంలో కమిటీ సభ్యులు కలిశారు. ఈ సందర్భంగా కలెక్టర్ కు వరల్డ్ హార్ట్ డే కు సంబంధించిన మెమోంటోను అందజేశారు. అనంతరం హార్ట్ ఫౌండేషన్ ఆధ్వర్యంలో నిర్వహించే హెల్త్ కార్యక్రమానికి విశిష్ట అతిథిగా రావాలని కమిటీ ప్రధాన కార్యదర్శి డా. చంద్రశేఖర్ కలెక్టర్ కు విన్నవించారు. కార్యక్రమంలో కమిటీ సభ్యులు డా. భవాని ప్రసాద్ , చంద్రశేఖర్ కల్కూర తదితరులు పాల్గొన్నారు.
About Author
