ఘనంగా జ్ఞాపిక టీవీఎస్ షోరూం ప్రారంభం
1 min read
లాంఛనంగా ప్రారంభించిన జాతీయ సేల్స్ మేనేజర్ కుల్దీప్ శర్మ
టీవీఎస్ కంపెనీ వార్షిక టర్నోవర్ 31 వేల కోట్ల రూపాయలు
సేల్స్ తో పాటు స్పేర్స్ కూడా అందుబాటులో ఉంటాయి
వినియోగదారులు సహకరించాలని మనవి
పల్లెవెలుగు వెబ్ ఏలూరు జిల్లా ప్రతినిధి : ఏలూరు స్థానిక సత్రంపాడులో నూతనంగా ఏర్పాటు చేసిన జ్ఞాపిక టీవీఎస్ షోరూంను ఆ కంపెనీ జాతీయ సేల్స్ మేనేజర్ కుల్దీప్ శర్మ బుధవారం ఉదయం లాంచనంగా ప్రారంభించారు. ముందుగా ఆయన జ్యోతి ప్రజ్వలన గావించి పూజా కార్యక్రమాలు చేపట్టారు. ఈ సందర్భంగా ఏర్పాటు చేసిన విలేకరుల సమావేశంలో కుల్దీప్ శర్మ మాట్లాడుతూ టీవీఎస్ కంపెనీ వార్షిక టర్నోవర్ 31 వేల కోట్ల రూపాయలు ఉందన్నారు. గ్రామీణ ప్రాంత ప్రజలకు సైతం తాము అందుబాటులో ఉండాలని టీవీఎస్ బ్రాంచులు దేశవ్యాప్తంగా పెంచుతున్నా మన్నారు. ఏరియా సేల్స్ మేనేజర్ భరద్వాజ్, ఆర్థరైజేడ్ మెయిన్ డీలర్ జ్ఞాపిక ఆటోమొబైల్స్ ప్రైవేట్ లిమిటెడ్ కొల్లి సురేష్ బాబు మాట్లాడుతూ మన దేశం మన బండి దేశ ప్రగతిలో రెండు చక్రాలు టీవీఎస్ ద్విచక్ర వాహనాలని పేర్కొన్నారు. సేల్స్ తోపాటు స్పేర్స్ సర్వీస్ ఇక్కడ లభిస్తాయి అన్నారు. ప్రజలు ఈ షోరూంలో ప్రతి వాహనాన్ని టెస్ట్ రైడ్ చేయొచ్చు అని తెలిపారు. తాము ఏర్పాటు చేసిన ఈ నూతన వ్యాపారాన్ని ప్రోత్సహించాలని కోరారు. ఈకార్యక్రమంలో ఏరియా సర్వీస్ మేనేజర్ రోనాల్డ్ రోబర్ట్, షోరూం మేనేజర్ నాగరాజు, జిఎం ఉన్ని కృష్ణన్, వినియోగదారులు, సిబ్బంది తదితరులు పాల్గొన్నారు.
About Author
