రాజ్యసభ మాజీ సభ్యుడికి అభినందన
1 min read
కర్నూలు హార్ట్ ఫౌండేషన్ సభ్యులు
కర్నూలు, పల్లెవెలుగు:రాజ్యసభ మాజీ సభ్యులు టీజీ వెంకటేష్ ను శుక్రవారం కర్నూలు హార్ట్ ఫౌండేషన్ సభ్యులు మర్యాదపూర్వకంగా కలిసి అభినందనలు తెలిపారు. అనంతరం శాలువా కప్పి ఘనంగా సత్కరించారు. ఈ సందర్భంగా హార్ట్ ఫౌండేషన్ ప్రధాన కార్యదర్శి డా. చంద్రశేఖర్ మాట్లాడుతూ కర్నూలు జిల్లా అభివృద్ధికి విశేష కృషి చేసిన రాజ్య సభ మాజీ సభ్యుడు టీజీ వెంకటేష్ … ఆయన తనయుడు, పరిశ్రమల శాఖ మంత్రి టీజీ భరత్ విజయంలో కీలక పాత్ర పోషించారని గుర్తు చేశారు. జిల్లాలోని పేదలకు ఆర్థిక సాయం చేయడం…మినరల్ వాటర్ ప్లాంట్లు నిర్మించడం. కళ్యాణ మండపం, షాదీఖానా తదితరవి నిర్మించి ప్రజా నేతగా ఎదిగిన టీజీ వెంకటేష్ మరెన్నో సేవా కార్యక్రమాలు చేపట్టడంలో ఎప్పుడూ ముందుంటారన్నారు. కర్నూలు హార్ట్ ఫౌండేషన్ అభివృద్ధికి పూర్తి స్థాయిలో సహకరించిన టీజీ వెంకటేష్, మంత్రి టీజీ భరత్ కు ఈ సందర్భంగా గౌరవాధ్యక్షుడు డా. భవాని ప్రసాద్, ప్రధాన కార్యదర్శి డా. చంద్రశేఖర్, కోశాధికారి డా. వసంత కుమార్, సభ్యులు రాముడు తదితరులు కృతజ్ఞతలు తెలియజేశారు.
About Author
