విజయోస్తు..
1 min read
కిక్ బాక్సింగ్ లో పోటీలో దిగనున్న చిన్నారులు
- క్రీడా దుస్తులు ఇచ్చి.. ఆశీర్వదించిన అన్నపూర్ణమ్మ
కర్నూలు, పల్లెవెలుగు:నగరంలోని మోంటి ఇంటర్నేషనల్ స్కూల్ లో శనివారం ఉదయం జిల్లా స్థాయి కిక్ బాక్సింగ్ పోటీలో పాల్గొనున్న క్రీడాకారులను త్రినాథ్ అకాడమీ చైర్మన్ డా. త్రినాథ్ తల్లి అన్నపూర్ణమ్మ ఆశీర్వదించారు. చిల్ర్డన్స్ విభాగంలో బరిలో దిగనున్న క్రీడాకారులకు క్రీడా దుస్తులు అందజేసి .. ప్రోత్సహించారు. . అంతేకాక కిక్ బాక్సింగ్ పోటీలో పాల్గొనేందుకు ఒక్కొక్క క్రీడాకారుడికి ఎంట్రీ ఫీజు రూ.300 చొప్పున అందజేశారు. ఈ సందర్భంగా అన్న పూర్ణమ్మ మాట్లాడుతూ క్రీడాకారులను ప్రోత్సహించాల్సిన బాధ్యత అందరిపై ఉందన్నారు. జిల్లా స్థాయిలో విజేతలైన క్రీడాకారులు.. రాష్ట్ర స్థాయిలో పాల్గొంటారని, వారిని కొంత ప్రోత్సహిస్తే ఉత్సాహంగా పాల్గొని విజేతలుగా తిరిగి వస్తారన్నారు. శనివారం జరిగే కిక్ బాక్సింగ్ పోటీలో ఉమ్మడి జిల్లా నుంచి 170 మంది క్రీడాకారులు ( చిల్ర్డన్స్ విభాగం)లో పాల్గొంటారని త్రినాథ్ అకాడమీ శిక్షణ నిర్వాహకుడు నరేంద్ర తెలిపారు.
About Author
