హంద్రీ నీవా ద్వారా ప్రతి ఎకరాకు సాగునీరు ఇవ్వాలి…
1 min read
హోసూరు దగ్గర తూము ఏర్పాటు చేయాలి.. సిపిఎం
పల్లెవెలుగు వెబ్ పత్తికొండ: హంద్రీనీవా కాలువ నుండి హోసూర్ వద్ద తూము ఏర్పాటు చేసి, తద్వారా పత్తికొండ నియోజకవర్గం లోని ప్రతి ఎకరాకు సాగునీరు అందించాలని సిపిఎం జిల్లా కార్యదర్శి గౌస్ దేశాయ్ డిమాండ్ చేశారు. గురువారం కామ్రేడ్ ఈశ్వర్ రెడ్డి భవనంలో పత్రికా విలేకరుల సమావేశంలో సిపిఎం జిల్లా కార్యదర్శి గౌస్ దేశాయ్ మాట్లాడుతూ, హంద్రీనీవా ప్రధాన కాలువ విస్తరణ పనులు వేగవంతంగా చేసి, సాగు భూములకు నీరు అందించాలని ఆయన ఈ సందర్భంగా డిమాండ్ చేశారు. ఈ ప్రాంత రైతులందరూ వర్షాధారంపై పంటలు పండిస్తారని, సాగునీరు అందించడం వల్ల వలసలు నివారించవచ్చని అన్నారు. ప్రతి గ్రామానికి సాగునీరు అందించాలని, అలాగే తూములు ఏర్పాటు చేయాలని సూచించారు.జిల్లా ఇన్చార్జి నిమ్మల రామానాయుడు, పత్తికొండ ఎమ్మెల్యే కె శ్యాం కుమార్, జిల్లా కలెక్టర్ రంజిత్ భాష గార్లు స్పందించి రైతులను ఆదుకోవాలని కోరారు. లేనిపక్షంలో సిపిఎం పార్టీ ఆధ్వర్యంలో ఫిబ్రవరిలో పోరాటాలకు సిద్ధం కావాలని నాయకులకు కార్యకర్తలకు పిలుపునిచ్చారు. ఈ సమావేశంలో సిపిఎం మండల కార్యదర్శి చక్రాల వెంకటేశ్వర్ రెడ్డి, మండల కమిటీ సభ్యులు రంగారెడ్డి, సురేంద్ర తదితరులు పాల్గొన్నారు.
About Author
