బదిలీపై వెళ్తున్న ఆదోని సబ్ కలెక్టర్ కి ఆత్మీయ వీడ్కోలు
1 min read
పల్లెవెలుగు వెబ్ ఆదోని : అనంతపురం జిల్లా జాయింట్ కలెక్టర్ గా బదిలీపై వెళ్తున్న ఆదోని సబ్ కలెక్టర్ శివ్ నారాయణ్ శర్మ గారికి ఆదోని సబ్ కలెక్టర్ వారి కార్యాలయంలో జిల్లా జాయింట్ కలెక్టర్ బి. నవ్య, స్పెషల్ డిప్యూటీ కలెక్టర్ సి. విశ్వనాథ్, రెవెన్యూ, కార్యాలయపు అధికారులతో బుధవారం ఘనంగా ఆత్మీయ వీడ్కోలు నిర్వహించారు. ఈ సందర్భంగా సబ్ కలెక్టర్ మాట్లాడుతూ… ఐఏఎస్ హోదాలో మొదటి పోస్టింగ్ ఆదోని సబ్ కలెక్టర్ నిర్వహించినందుకు సంతోషమన్నారు. ముఖ్యంగా ఎన్నికల విధులలో కార్యాలయపు సిబ్బంది సహకారాన్ని కొనియాడారు. అనంతరం కార్యాలయపు సిబ్బంది వారి అనుభవాలను పంచుకున్నారు. బదిలీపై వెళుతున్న సబ్ కలెక్టర్ కి పూలమాలు శాలువాలతో ఘనంగా సన్మానించారు. అనంతరం జిల్లా జాయింట్ కలెక్టర్ బి. నవ్య తో కలిసి కార్యాలయం పరిసరాలను, మరియు రికార్డు రూమ్, ప్రతి గదిని పరిశీలించారు. ఈ కార్యక్రమంలో కార్యాలయపు పరిపాలన అధికారి కే. వసుంధర, డిప్యూటీ ఇన్స్పెక్టర్ ఆఫ్ సర్వేయర్ వేణు సూర్య, శ్రీనివాస రాజు, తహసిల్దార్ శివ రాముడు, ఉప తాసిల్దారులు రుద్ర గౌడ్, రామేశ్వర్ రెడ్డి, వలి భాష, దీపా, వినీత్, కార్యాలపు సిబ్బంది తదితరులు పాల్గొన్నారు.
About Author
