భయం అనేది ఆర్ఆర్ఆర్ బయోడేటాలో లేదు..
1 min read
యువ శాసనసభ్యులకు రఘురామకృష్ణరాజు ఆదర్శం
సభలో మంచి డిబేట్ జరిగేందుకు ఆర్ఆర్ఆర్ సహకారం ఉండాలి
డిప్యూటీ స్పీకర్ గా ఎన్నికైన రఘురామకు అభినందనలు తెలిపిన మంత్రి లోకేష్
పల్లెవెలుగు వెబ్ అమరావతి: డిప్యూటీ స్పీకర్ గా రఘురామకృష్ణరాజు గారు ఎన్నిక కావడం చాలా సంతోషంగా ఉందని విద్య, ఐటీ శాఖల మంత్రి నారా లోకేష్ పేర్కొన్నారు. డిప్యూటీ స్పీకర్ గా బాధ్యతలు చేపట్టిన ఆర్ఆర్ఆర్ కు మంత్రి అభినందలు తెలిపారు. ఈ సందర్భంగా మంత్రి మాట్లాడుతూ.. చంద్రబాబునాయుడు గారు ట్రిపుల్ ఆర్ సినిమా గురించి, మీ గురించి చెప్పారు. నాకు ఆర్ఆర్ఆర్ అంటే రియల్, రెస్పాన్సిబుల్, రెబలియస్. రియల్ అని ఎందుకు అన్నానంటే మీ మనసులో ఏముంటే అది చెబుతారు. భోళా శంకరుడు. తప్పు తప్పని చెబుతారు. కరెక్ట్ అయితే కరెక్ట్ అని చెబుతారు. గత ప్రభుత్వం చేసే తప్పుల్ని ముందే గ్రహించారు. కేంద్రంలో గత ప్రభుత్వంపై పోరాడి.. ఏపీ ఇప్పటికే అప్పుల్లో కూరుకుపోయిందని, ఇక అప్పులు ఇస్తే రాష్ట్రం ఇబ్బందులు పడుతుందని ఆనాడు పోరాడిన వ్యక్తి మీరు. ఉండి ఎమ్మెల్యే అయినప్పటి నుంచి నేను చూస్తున్నా.. సొంత నిధులు, సీఎస్ఆర్ నిధులు తీసుకువచ్చి పార్క్ లు అభివృద్ధి చేయడం, ప్రభుత్వ పాఠశాలలకు మరమ్మతులు చేయడం గర్వకారణం. యువ శాసనసభ్యులకు ఆదర్శంగా ఉన్నారు. ఇక రెబలియస్ కు వస్తే ఎంత చెప్పినా తక్కువే. రచ్చబండ దగ్గర నుంచి మొదలైంది.. మీ రెబలియస్ నేచర్. నిర్మహొమాటంగా గత ప్రభుత్వం చేసిన తప్పులు గురించి ఆనాడు చెప్పారు. అది పట్టుకుని మీపై కేసు బనాయించి, అర్థరాత్రి అమరావతి తీసుకువచ్చి, ఆ రోజు ఏకంగా మీపై కస్టోడియల్ టార్చర్ కు పాల్పడ్డారు. ఏపీ ప్రజలతో పాటు ప్రతి భారతీయుడు దీనిని చూశారు. టీవీలో స్కోలింగ్ వస్తే నేనైతే నమ్మలేదు. ఒక ఎంపీని కస్టోడియల్ టార్చర్ చేస్తారా, చరిత్రలో ఎప్పుడూ ఇది జరగదు, తొందరపడి స్ర్కోలింగ్ వచ్చిందేమో అనుకున్నా. ఆనాడు మీ ఫోటోలు వాట్సాప్ లో వచ్చాయి. దెబ్బతిన్న మీ కాళ్లను చూశాం. చాలా బాధేసింది. సొంత పార్టీ ఎంపీని ఈ విధంగా టార్చర్ చేస్తారా అని ఆశ్చర్యపోయా. కానీ ఆ రోజు నుంచి కలిసికట్టుగా పోరాడాలని, గత ప్రభుత్వాన్ని వదిలిపెట్టకూడదని ఆ రోజు నుంచి యుద్ధం ప్రారంభించాం. చంద్రబాబు గారిని అరెస్ట్ చేసినప్పుడు నాకు అండగా నిలబడ్డారు. ఢిల్లీలో న్యాయపోరాటం చేస్తుంటే మీరు, గల్లా జయదేవ్, కనకమేడల రవీంద్ర గారు అందరం కూర్చొని చర్చించేవాళ్లం. మీకున్న అనుభవాలను పంచుకున్నాం. భయం అనేది ఆర్ఆర్ఆర్ బయోడేటాలో లేదు. కస్టోడియల్ టార్చర్ అనుభవించిన వారు ఇక్కడ ఎవరూ లేరు. కేసులు పెట్టారు, నాపై రాళ్లదాడి చేశారు, సోడా బాటిల్స్ విసిరారు, నాపైనా ఎస్సీ, ఎస్టీ కేసు, అటెమ్ట్ మర్డర్ కేసు పెట్టారు. అయితే ఏనాడూ కస్టోడియల్ టార్చర్ గురించి ఆలోచించలేదు. అలాంటిది మీరు ఆనాడు ఇబ్బందిపడ్డారు. మీరు ఎప్పుడూ భయపడలేదు. ఇది యువ ఎమ్మెల్యేలకు ఒక ఆదర్శం. నేను పుట్టేనాటికే అన్న ఎన్టీఆర్ ముఖ్యమంత్రి. నేను శాసనసభ చూసి పెరిగా. చాలా మంది సీనియర్లు మాట్లాడే విధానం చూశాం. రాత్రి 2,3 గంటల వరకు చర్చలు జరిగాయి. ఒక స్పిరిట్ ఉండేది. ఎవరూ వ్యక్తిగత ధూషణలకు పాల్పడేవారు కాదు. సబ్జెక్ట్ పైన మాట్లాడేవారు. అయిపోయిన తర్వాత ఇరు పక్షాలు కలిసి టీ తాగేవారు. మళ్లీ ఇష్యూ గురించి బయట కూడా చర్చించేవారు. గతంలో మనం చేసిన చట్టాలు ఈ రోజు తెలంగాణకు ఉపయోగపడుతున్నాయి. ఆ స్పిరిట్ ఉండేది. అది చాలా అవసరం. ఈ రోజు ప్రతిపక్షం ఇక్కడ లేదు. ఎందుకు రావడం లేదో వారికే వదిలేద్దాం. సభలో మంచి డిబేట్ జరిగాలి, దానికి మీ సహకారం ఉండాలని కోరుకుంటున్నా. ఐటీ శాఖ మంత్రిగా పక్క రాష్ట్రాల్లో శాసనసభలను చూశా. అక్కడ పెద్దఎత్తున డిజిటైజేషన్ చేశారు. మన సభలో కాగితాలు ఇంకా కనిపిస్తున్నాయి. అయ్యన్నపాత్రుడు, మీ ఆధ్వర్యంలో మొత్తం డిజిటైజేషన్ చేయాలని కోరుతున్నా. మీరు పార్లమెంట్ సభ్యుడిగా కూడా చేశారు. పార్లమెంట్ పాక్టిసెస్ నుంచి నేర్చుకోవడానికి సిద్ధంగా ఉన్నాం. ట్రైనింగ్ క్లాస్ లు ఏర్పాటుచేయాలి. డిబేట్, బిల్లు ప్రవేశపెడితే చర్చ, సవరణలు, ఓటింగ్ జరగాలని బలంగా నమ్మే వ్యక్తిని. దానికి మీ డైరెక్షన్ ఉంటుందని కోరుకుంటున్నాను. మిమ్మల్ని అక్కడ కూర్చోబెట్టారు అంటే మీ నోరు కట్టేశారనే బాధ ఉంది. అధ్యక్ష అని మిమ్మలి పిలిచే అవకాశం ఇచ్చిన చంద్రబాబునాయుడు కి, పవనన్నకి, బీజేపీ నేతలకు హృదయపూర్వక ధన్యవాదాలు.
About Author
