గాయపడిన ఉద్యోగికి..స్నేహితులు 40 వేలు సహాయం
1 min read
40 వేల ఆర్థిక సహాయం అందించిన తోటి ఉద్యోగులు..
పల్లెవెలుగు వెబ్ మిడుతూరు (నందికొట్కూరు): తోటి ఉద్యోగి రోడ్డు ప్రమాదంలో గాయపడితే ఆ కుటుంబానికి మేము ఉన్నామనే భరోసా కల్పిస్తున్నారు తోటి ఉద్యోగులు.వివరాల్లోకి వెళితే నంద్యాల జిల్లా మిడుతూరు గృహనిర్మాణ శాఖలో వర్క్ ఇన్స్పెక్టర్ గా పనిచేస్తున్న సయ్యద్ అంజద్ భాష గత నెల ఆగస్టు 31న విధులు ముగించుకొని సాయంత్రం ఇంటికి వెళ్తుండగా రోడ్డు ప్రమాదంలో ఆయన తీవ్రంగా గాయపడిన సంగతి తెలిసిందే. అదే మార్గంలో వెళ్తున్న ఉద్యోగులు కర్నూలు ఆస్పత్రిలో చేర్పించారు. మిడుతూరు మండలంలోని గ్రామ సచివాలయ మరియు ఇతర సిబ్బంది కర్నూలు ప్రభుత్వ ఆస్పత్రిలో అంజాద్ భాషను సోమవారం సాయంత్రం పరామర్శించారు. ఉద్యోగులు మరియు ఇతర మండలాల సిబ్బంది ద్వారా సేకరించిన 40 వేల రూ.ల నగదును ఆయన కుటుంబ సభ్యులకు మెరుగైన చికిత్స కొరకు నగదును అందజేశారు. నగదును అందించిన వారిలో పంచాయితీ కార్యదర్శులు వీరారెడ్డి,వినయ్ చంద్ర,రఘురాం,ఇంజనీరింగ్ అసిస్టెంట్ రమేష్,డీఏ లు పాల్గున,తస్లీమా భాను,వెల్ఫేర్ రహీం పాల్గొన్నారు.
About Author
