మట్టి గణపతిని ప్రతిష్టించడం అభినందనీయం
1 min read
కేడీసీసీ బ్యాంకు జనరల్ మేనేజర్ రామాంజనేయులు
కర్నూలు, పల్లెవెలుగు: మట్టి గణపతిని ప్రతిష్టించి… పూజించడం అభినందనీయమని కేడీసీసీ బ్యాంకు జనరల్ మేనేజర్ రామాంజనేయులు అన్నారు. శనివారం కలెక్టరేట్ ఆవరణలోని సమాచార శాఖ భవన్లో పాత్రికేయ వినాయక మిత్ర మండలి నేతృత్వంలో ప్రతిష్టించిన వినాయకుడిని ఆయన దర్శించుకున్నారు. ప్రత్యేక పూజలు చేశారు. అనంతరం సమాచార శాఖ భవన్ ఆవరణలో మొక్క నాటారు. ఈ సందర్భంగా కేడీసీసీ జనరల్ మేనేజర్ రామాంజనేయులు మాట్లాడుతూ పర్యావరణ పరిరక్షణకు పాత్రికేయుల కృషి ప్రశంసనీయమన్నారు. ప్రతిఒక్కరూ మట్టి వినాయకులను ప్రతిష్టిస్తే.. పర్యావరణాన్ని కాపాడిన వారమవుతామన్నారు. అనంతరం పాత్రికేయ వినాయక మిత్రమండలి నిర్వాహకులు విద్యాసాగర్, శ్రీనాథ్ రెడ్డి మాట్లాడుతూ ప్రప్రథమంగా వినాయక విగ్రహాన్ని ప్రతిష్టించామని, ఇందుకు పాత్రికేయులు, దాతలు పూర్తిగా సహకరించినందుకు ప్రత్యేక కృతజ్ఞతలు తెలియజేశారు. కేడీసీసీ బ్యాంకు జనరల్ మేనేజర్ రామాంజనేయులును పాత్రికేయులు ఘనంగా సన్మనించారు. కార్యక్రమంలో విశాలాంధ్ర బ్యూరో శ్రీనివాసులు గౌడ్, వార్తా స్టాఫర్ ప్రకాశ్, ఆంధ్ర జ్యోతి మల్లికార్జు, పల్లెవెలుగు రవికుమార్ మన దినపత్రిక స్టాఫర్ విజయ్, రామకృష్ణ తదితరులు పాల్గొన్నారు.
About Author
