చదువుతోనే … బంగారు భవిష్యత్…
1 min read
సెయింట్ ఆంథోని ఎలిమెంటరి స్కూల్ హెచ్ఎం మారెన్న
ఆదోని, పల్లెవెలుగు:ప్రతి విద్యార్థి లక్ష్యం దిశగా అడుగులు వేయాలని, చదువుతోనే బంగారు భవిష్యత్ ఉంటుందన్నారు సెయింట్ ఆంథోని ఎలిమెంటరి స్కూల్ హెచ్ఎం మారెన్న. రాష్ట్ర ప్రభుత్వం ప్రతిష్టాత్మకంగా అమలు చేస్తున్న ‘ మెగా టీచర్స్–పేరెంట్స్’ మీటింగ్ శనివారం ఆదోని పట్టణంలోని సెయింట్ ఆంథోని ఎలిమెంటరి స్కూల్ లో హెచ్ఎం మారెన్న అధ్యక్షతన జరిగింది. కార్యక్రమనికి ముఖ్య అతిథులుగా స్కూల్ కరస్పాండెంట్ రెవ జాన్ డెవిడ్, ఎస్ఎంసీ చైర్మన్ మేఘన, కౌన్సిలర్ భర్త మల్లికార్జున, సచివాలయం ఎడ్యుకేషన్ సెక్రటరి రామచంద్ర, అంగన్వాడీ టీచర్ రమణమ్మ పాల్గొన్నారు. ఈ సందర్భంగా హెచ్ ఎం మారెన్న మాట్లాడుతూ తల్లిదండ్రల ఆశయ సాధనకు ప్రతి విద్యార్థి కృషి చేయాల్సిన బాధ్యత ఎంతైనా ఉందన్నారు. విద్యార్థులు క్రమం తప్పకుండా పాఠశాలకు పంపాలని తల్లిదండ్రులకు సూచించారు. విద్యావ్యవస్థ బలపరిచేందుకు సీఎం చంద్రబాబు నాయుడు బృహత్తర కార్యక్రమం తీసుకురావడం ప్రశంసించదగ్గ విషయమన్నారు. ఆ తరువాత విద్యార్థుల తల్లిదండ్రులు విద్యాభివృద్ధిపై పలు సలహాలు, సూచనలు ఇచ్చారు. అనంతరం కౌన్సిలర్ భర్త మల్లికార్జున మాట్లాడుతూ తాను కూడా ఇదే పాఠశాలలో చదవానని గుర్తు చేశారు. పాఠశాలలోనే మధ్యాహ్న భోజనం విద్యార్థులు, తల్లిదండ్రులు, ఉపాధ్యాయులందరూ సహపంక్తి భోజనం చేశారు. కార్యక్రమంలో ఉపాధ్యాయులు శ్యాముల్, వర ప్రసాద్ రావు, మరియమ్మ, నాగవేణి తదితరులు పాల్గొన్నారు.
ఆకట్టుకున్న డ్యాన్స్
మెగా టీచర్స్,పేరెంట్స్ మీటింగ్ సందర్భంగా పాఠశాల విద్యార్థులు సాంస్కృతిక కార్యక్రమాలు నిర్వహించారు. విద్యార్థులు వేసిన నృత్యం చూపరులను ఎంతగానో ఆకట్టుకుంది. కొందరు పాటలు పాడి పాడారు. పిల్లల తల్లులకు కూడా పలు ఆటల పోటీలు నిర్వహించారు.
About Author
