‘ జీవీఆర్’ కు పాతికేళ్లు..
1 min read
25 ఏళ్లుగా చిన్నారులకు వైద్య సేవలు అందించాం..
- ఆధునిక టెక్నాలజీతో మరింత ముందుకెళ్తాం..
- జీవీఆర్ హాస్పిటల్ ఎం.డి. ఎం. భువనేశ్వరి, చీఫ్ కన్సల్టెంట్ డా. జిఎస్. రామ ప్రసాద్
- ఘనంగా జీవీఆర్ సిల్వర్ జూబ్లీ వేడుకలు
కర్నూలు, పల్లెవెలుగు:రాయలసీమ ప్రాంతం నుంచే కాక కర్ణాటక, తెలంగాణ ప్రాంతాల నుంచి వచ్చిన చిన్నారులకు విశిష్ట వైద్య సేవలు అందించి ప్రజా మన్ననలు పొందిన జీవీఆర్ చిల్ర్డన్ హాస్పిటల్ కు పాతికేళ్లు నిండాయని చెప్పేందుకు సంతోషిస్తున్నామన్నారు జీవీఆర్ హాస్పిటల్ ఎం.డి. , పిల్లల వైద్య నిపుణులు డా. ఎం. భువనేశ్వరి, చీఫ్ కన్సల్టెంట్ డా. జిఎస్. రామ ప్రసాద్. జీవీఆర్ 25 ఏళ్లు పూర్తి చేసుకున్న సందర్భంగా మంగళవారం హాస్పిటల్లో ఏర్పాటు చేసిన విలేకరుల సమావేశంలో వారు మాట్లాడారు. అత్యంత ఆధునాతన వైద్య సాంతికేక పరిజ్ఞానంత నగరంలో నెలకొల్పిన తొలి లెవల్ –3 నియోనేటల్ సెంటర్గా పేరొందింది. లండన్ హాస్పిటల్ డిజైన్తో నెలకొల్పిన నియోనేటల్ సెంటర్ ఇప్పటికీ అనేక పురిటి బిడ్డలకు, పిల్లలకు ప్రాణధారంగా నిలిచి సేవలందిస్తోందన్నాన్నారు. తమ తమ పిల్లలు డా.జిబి. మేఘన ఎండి డెర్మటాలజిస్ట్ డా. సుధీప్ గడ్డం ఎండి పీడియాట్రిక్స్ చేసి మరింత ఉన్నత చదువుల్లో భాగంగా డిఎం అంకాలజీ చేస్తున్నారని వెల్లడించారు. జీవీఆర్ హాస్పిటల్లో పేదలకు ఉచితంగ వైద్య సేవలు అందించడానికి ఆరోగ్యశ్రీ సదుపాయం , ప్రభుత్వ ఉద్యోగులకు, జర్నలిస్టులకు ఈహెచ్ ఎస్, ఈడబ్ల్యూ ఎస్ వంటి వైద్య భీమా సదుపాయాలు ఉన్నాయని ఈ సందర్భంగా హాస్పిటల్ ఎండి డా. భువనేశ్వరి, డా. రామ ప్రసాద్ వెల్లడించారు.
- జీవీఆర్ హెల్త్ బేబీ పోటీలు
జీవీఆర్ సిల్వర్ జూబ్లీ వేడుకల్లో భాగంగా జీవీఆర్ హెల్త్ బేబీ పోటీలు నిర్వహిస్తున్నట్లు జీవీఆర్ హాస్పిటల్ ఎం.డి. ఎం. భువనేశ్వరి, చీఫ్ కన్సల్టెంట్ డా. జిఎస్. రామ ప్రసాద్ తెలిపారు. పోటీలకు ఈ నెల 14 నుంచి సెప్టెంబరు 14 వరకు రిజిస్ర్టేషన్లు చేయించుకోవాలని, 0–12 నెలలు ఒక కేటగిరి, ఒకటి నుంచి మూడేళ్లలోపు చిన్నారులకు రెండో కేటగిరిలో పోటీలు నిర్వహిస్తామని, విజేతలకు సెప్టెంబరు 17న రూ.25వేలు బహుమతులు అందజేస్తామన్నారు. పోటీల్లో ప్రధానంగా బ్రెస్ట్ ఫీడింగ్ , హైట్, వెయిట్, హియరింగ్, వ్యాక్సినేషన్, కంగారు కేర్ ( స్కిన్ టు స్కిన్ ) , జనరల్ హెల్త్ ను పిల్లల్లో చెక్ చేయడం జరుగుతుందన్నారు. విజేతలకు ప్రథమ, ద్వితీయ, తృతీయ బహుమతులతోపాటు కన్సులేషన్ బహుమతులు, బేబీలకు పార్టిసిపేషన్ సర్టిఫికెట్లను , పోటీలను అందజేస్తామని స్పష్టం చేశారు.
About Author
