జాతీయ స్ఫూర్తి వెల్లివిరిసేలా “హర్ ఘర్ తిరంగా”
1 min read
డీపీఓ నాగరాజ నాయుడు
పల్లెవెలుగు వెబ్ కర్నూలు: దేశ 78వ స్వాతంత్ర దినోత్సవ సందర్భంగా ప్రతి ఇంటా జాతీయ స్ఫూర్తి వెల్లివిరిసేలా జెండాను ఎగురవేయాలని డీపీఓ నాగరాజ నాయుడు కోరారు. ఈ మేరకు బుధవారం జిల్లా పంచాయతీ అధికారి వారి కార్యాలయంలో సిబ్బందితో హర్ ఘర్ తిరంగా ప్రతిజ్ఞను ఆయన చేయించారు. ప్రభుత్వ సూచనల మేరకు ప్రతి ఇంటిపై జాతీయ జెండా ఎగురవేసేలా చూడాలని పంచాయతీ కార్యదర్శులను ఆదేశించినట్లు ఆయన తెలిపారు. ఎందరో మహనీయుల త్యాగ ఫలాల కారణంగా సిద్ధించిన దేశ స్వాతంత్ర్య స్ఫూర్తి భావితరాలకు అందజేయాల్సిన బాధ్యత ప్రతి ఒక్కరిపై ఉందని ఈ సందర్భంగా గుర్తు చేశారు.
About Author
