కలెక్టర్ను కలిసిన ‘హార్ట్ ఫౌండేషన్’
1 min read
కర్నూలు, పల్లెవెలుగు:కర్నూలు జిల్లా నూతన కలెక్టర్ గా బాధ్యతలు స్వీకరించిన రంజిత్ బాషను మంగళవారం హార్ట్ ఫౌండేషన్ సభ్యులు మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా పూల బుకే అందజేసి అభినందనలు తెలిపారు. కర్నూలు హార్ట్ ఫౌండేషన్ నేతృత్వంలో చేపడుతున్న వైద్య సేవలు, ఉచిత వైద్య శిబిరాలు, వివిధ వ్యాధులపై స్పెషలిస్టు వైద్యులతో మెడికల్ విద్యార్థులకు, ప్రజలకు అవగాహన సదస్సులు తదితర అంశాల గురించి హార్ట్ ఫౌండేషన్ నూతన చైర్మన్, కలెక్టర్ రంజిత్ బాష కు హార్ట్ ఫౌండేషన్ ప్రధాన కార్యదర్శి, కార్డియాలజి ప్రొఫెసర్ డా. చంద్రశేఖర్ వివరించారు. అనంతరం ఈ నెల 7వ తేదీన హార్ట్ ఫౌండేషన్ ఛాంబరులో ‘ డయాలసిస్ ’ పై డా. భరత్ మెడికల్ విద్యార్థులకు అవగాహన కల్పిస్తున్నట్లు వివరించారు. అంతేకాక హార్ట్ ఫౌండేషన్ ఛాంబరు ఆవరణలో త్వరలో మొక్కలు నాటే కార్యక్రమం ఉందని, కార్యక్రమానికి ముఖ్య అతిథిగా విచ్చేయాలని ఈ సందర్భంగా ప్రొఫెసర్, హార్ట్ ఫౌండేషన్ ప్రధాన కార్యదర్శి డా. చంద్రశేఖర్ కలెక్టర్ రంజిత్ బాషను కోరారు. ఇందుకు కలెక్టర్ సానుకూలంగా స్పందించినట్లు ఫౌండేషన్ సభ్యులు తెలిపారు. కార్యక్రమంలో ఫౌండేషన్ సభ్యులు చంద్రశేఖర్ కల్కూర, డా. భవాని తదితరులు పాల్గొన్నారు.
About Author
