నేను మీలో ఒకడిని..మీ సమస్యలు పరిష్కరిస్తా : ఎమ్మెల్యే
1 min read
పల్లెవెలుగు వెబ్ నందికొట్కూరు: నేను మీలో ఒకడిని మీకు అందుబాటులో ఉంటూ మీ సమస్యల్లో నేను పాలుపంచుకుంటానని నంద్యాల జిల్లా నందికొట్కూరు ఎమ్మెల్యే గిత్త జయసూర్య అన్నారు.బుధవారం సాయంత్రం 4 గంటలకు అల్లూరు గ్రామంలో మాండ్ర శివానందరెడ్డి స్వగృహంలో ఏర్పాటు చేసిన పాత్రికేయుల సమావేశంలో ఎమ్మెల్యే మాట్లాడుతూ నాకు ఎమ్మెల్యేగా అవకాశం కల్పించిన ప్రతి ఒక్కరికి నా కృతజ్ఞతలు తెలియజేస్తున్నానని అంతే కాకుండా నాకు అన్ని విధాలుగా సహకారం అందిస్తూ నా గెలుపునకు సహకరించిన నంద్యాల పార్లమెంట్ టిడిపి ఇన్చార్జ్ మాండ్ర శివానందరెడ్డి కి నా కృతజ్ఞతలు అని నా ప్రమాణ స్వీకారం అయిన తర్వాత సూపర్ సిక్స్ పథకాలు ప్రతి ఇంటికి అందేలా చేస్తానని రైతులకు సమృద్ధిగా రెండు పంటలకు కేసి కాలువ ద్వారా నీళ్లు అందిస్తామని అన్నారు. 20 సంవత్సరాల తర్వాత టీడీపీకి పట్టం కట్టారని స్థానికుడైన నన్ను ఎమ్మెల్యేగా ఎన్నుకున్నారని డబ్బు ఉందని ఎక్కడో ఉన్నవారు ఇక్కడికి వచ్చి పోటీ చేస్తే ఇక్కడి ప్రజలు చెంపపెట్టు లాగా తీర్పు ఇచ్చారన్నారు.మాండ్ర శివానందరెడ్డి మాట్లాడుతూ నందికొట్కూరు నియోజక వర్గానికి తాగు సాగునీరు మరియు అభివృద్ధి కొరకు నిధులు తీసుకొస్తామని రాబోయే రోజుల్లో యువతకు 20 లక్షల ఉద్యోగాలు కల్పించడానికి కృషి చేస్తామన్నారు. నందికొట్కూరులో ప్రశాంత వాతావరణంలో ఉంచుతామని అన్నారు.ఈ కార్యక్రమంలో మాండ్ర సురేంద్రనాథ్ రెడ్డి, పలుచాని మహేశ్వర రెడ్డి, లింగస్వామి గౌడ్,నారపురెడ్డి, జలీల్ తదితరులు పాల్గొన్నారు.
About Author
