దేశంలో ఇందిరమ్మ రాజ్యం రావాలి
1 min read
జిల్లా కాంగ్రెస్ అధ్యక్షులు కే బాబురావు
పల్లెవెలుగు వెబ్ కర్నూలు: దేశంలో మళ్ళీ ఇందిరమ్మ రాజ్యం రావాలని దేశ ప్రజలు కోరుకుంటున్నారని జిల్లా కాంగ్రెస్ కమిటీ అధ్యక్షులు కే బాబు రావు అభిప్రాయపడ్డారు. ఆదివారం ఉదయం ఇంటింటికి కాంగ్రెస్ ప్రచారంలో భాగంగా బుధవార పేట నందు కర్నూలు అసెంబ్లీ నియోజకవర్గ కాంగ్రెస్ అభ్యర్థి కే జిలాని భాష గారితో ప్రచారం నిర్వహించి కర్నూలు పార్లమెంటు కాంగ్రెస్ అభ్యర్థి పీజీ రాంపుల్లయ్య యాదవ్ ని మరియు కర్నూల్ అసెంబ్లీ నియోజకవర్గ అభ్యర్థి షేక్ జిలాని భాష హస్తం గుర్తుకు ఓట్లు వేసి అత్యధిక మెజార్టీతో గెలిపించాలని ప్రజలను కోరారు. అనంతరం బుధవారపేట ఎల్లమ్మ గుడి నందు జిలాని భాష ప్రత్యేక పూజలు నిర్వహించారు. అనంతరం కర్నూల్ నగరం ధర్మపేట హోరేబు టెంపుల్ చర్చిలో డిసిసి అధ్యక్షుడు బాబురావు ని, జిలాని భాష గారిని ఆహ్వానించి ఘనంగా సన్మానం కార్యక్రమం జరిపి షేక్ జిలాని భాష గారిని ప్రత్యేక ప్రార్థనలతో ఆశీర్వదించి, ఘనంగా విజయాన్ని సాధించాలని చర్చిలో పాస్టర్లు ప్రజలు ఆశీర్వదించారు. ఈ కార్యక్రమంలో జిల్లా కాంగ్రెస్ గౌరవ అధ్యక్షులు ఉండవల్లి వెంకటన్న, కాంగ్రెస్ ఎస్సీ సెల్ జిల్లా చైర్మన్ ఈ లాజరస్ సిటీ మైనార్టీ సెల్ అధ్యక్షులు షేక్ ఖాజా హుస్సేన్ మొదలగు వారు పాల్గొన్నారు.
About Author
