నేటి లోపు ఇండ్ల జియో ట్యాగ్ పూర్తవ్వాలి
1 min read
ప్రజలకు అందుబాటులో ఉండండి:ఎంపీడీఓ
పల్లెవెలుగు వెబ్ మిడుతూరు (నందికొట్కూరు): ఈరోజు శనివారం సాయంత్రం లోపు ఇండ్ల జియో ట్యాగ్ పూర్తి అవ్వాలని నంద్యాల జిల్లా మిడుతూరు ఎంపీడీఓ పి. దశరథ రామయ్య సచివాల సిబ్బందితో అన్నారు.జిల్లా కలెక్టర్ ఆదేశాల మేరకు శుక్రవారం మండలంలోని నాగలూటి మరియు వీపనగండ్ల గ్రామ సచివాలయాలను ఎంపీడీవో మరియు ఈఓఆర్డి సంజన్న సందర్శించారు.ఈ సందర్భంగా వారు సిబ్బందితో సమావేశమై అటెండెన్స్ ఇంటింటికి జియో ట్యాగ్ చేయుట మరియు బ్యాంకు అకౌంట్లకు ఆధార్ కార్డుతో అనుసంధానం చేయు పనులపై సమావేశం నిర్వహించుకుని సిబ్బందికి సూచనలు ఇచ్చారు.బ్యాంక్ అకౌంట్లకు ఆధార్ కార్డుతో అనుసంధానం చేయించాలని అన్నారు.సచివాలయాల సిబ్బంది సమయపాలన తప్పనిసరిగా పాటించాలని అదేవిధంగా ప్రజలకు అందుబాటులో ఉండి కార్యాలయాల చుట్టూ అదే పనిగా తిప్పుకోకుండా వారి సమస్యలను త్వరితగతిన పరిష్కరించే విధంగా ఉండాలన్నారు.వీపనగండ్లలో నిర్వహించుచున్న ఆధార్ క్యాంప్ ను వారు సందర్శించారు.ఈ కార్యక్రమంలో పంచాయతీ కార్యదర్శులు పవన్ కుమార్, షేక్షావలి,వినోద్ మరియు సిబ్బంది పాల్గొన్నారు.
About Author
