వైసీపీ పార్టీలో చేరిన స్టూడెంట్ లీడర్ కొండపల్లి శ్రీనివాస్
1 min read
ఏలూరు ఎంపీ అభ్యర్థి కారుమూరు సునీల్ కుమార్ విజయానికి కృషి చేస్తా
పల్లెవెలుగు వెబ్ ఏలూరు జిల్లా ప్రతినిధి : ఏలూరు పార్లమెంట్ స్వతంత్ర అభ్యర్థి పోటీదారు కొండపల్లి శ్రీనివాస్, ప్రస్తుతం వైఎస్ఆర్సిపి అభ్యర్థి కారుమూరి సునీల్ కుమార్ కి మద్దతు పలికారు. ఏలూరు సునీల్ కుమార్ క్యాంప్ కార్యాలయంలో సునీల్ కుమార్ శ్రీనివాస్ కి వైసీపీ కండువా కప్పి సాధరంగా పార్టీలోకి ఆహ్వానించారు.ఏలూరు పార్లమెంటుకు స్వతంత్ర అభ్యర్థిగా పోటీ చేయుటకు సిద్ధపడి ఏలూరు పార్లమెంటు లో విస్తృత ప్రచారం నిర్వహించిన టీ.నర్సాపురం మండలం వెంకటాపురం గ్రామానికి చెందిన కొండపల్లి శ్రీనివాస్ ఏలూరు పార్లమెంటు వైఎస్సార్సీపీ అభ్యర్థి కారుమూరి సునీల్ కుమార్ కి మద్దతుగా నామినేషన్ వేయకుండా వైయస్సార్సీపి పార్టీలో తన అనుచరులతో చేరారు.ఈ సందర్భంగా ఆయన మాట్లాడుతూ ఏలూరు పార్లమెంట్ పరిధిలో స్వతంత్ర అభ్యర్థిగా పోటీ చేయాలనుకున్న కానీ ప్రజలకు సంక్షేమ మరియు అభివృద్ధి పథకాలను ఒక్క వైఎస్ఆర్సిపి పార్టీలోనే కొనసాగుతున్నాయని, మరి ఏ ఇతర పార్టీలు ఈ విధంగా ప్రజలకు న్యాయం చేకూర్చలేవని గ్రహించానన్నారు. స్టూడెంట్ లీడర్ గా సంఘ సేవకుడిగా ప్రజలకు సేవ చేసే విధంగా ఉండే పార్టీలో చేరాలని నిర్ణయించుకున్నానని నా తోటి సహచరుల అభిప్రాయంతో ఈ నిర్ణయం తీసుకున్నాను అన్నారు. వైఎస్సార్సీపీ ఎమ్మెల్యే అభ్యర్థులు, కారుమూరి సునీల్ కుమార్ విజయం కోసం కృషి చేస్తానని తెలియజేశారు. వైసిపి పార్టీకి జగన్ మోహన్ రెడ్డి ముఖ్యమంత్రి అయ్యేంతవరకు నిరంతరం కృషి చేస్తానని కొండపల్లి శ్రీనివాస్ అన్నారు.
About Author
