బీఎస్పీ ఎమ్మెల్యే అభ్యర్థి గౌతమిని గెలిపించండి
1 min read
పేద మహిళను ఆదరించండి, ఏనుగు గుర్తుకు ఓటు వేయండి
బహుజన సమాజ్ పార్టీ సింగనమల నియోజకవర్గ ఇన్చార్జ్ కొత్తూరు లక్ష్మీనారాయణ
పల్లెవెలుగు వెబ్ సింగనమల : సింగనమల నియోజకవర్గం బహుజన సమాజ్ పార్టీ ఎమ్మెల్యే అభ్యర్థి కుందనపు గౌతమిని అఖండ మెజార్టీతో గెలిపించాలని ఆ పార్టీ సింగనమల నియోజకవర్గం ఇంచార్జ్ కొత్తూరు లక్ష్మీనారాయణ పిలుపునిచ్చారు. అనంతపురం జిల్లా కేంద్రంలోని ఆయన కార్యాలయంలో గురువారం లక్ష్మీనారాయణ మాట్లాడుతూ ప్రస్తుతం రాజకీయాలు ధనం చుట్టూ తిరుగుతున్న తరుణంలో, ఒక సాధారణ నిరుపేద కుటుంబానికి చెందిన పేద మహిళలకు టికెట్ ఇచ్చిన ఘనత బహుజన సమాజ్ పార్టీకి మాత్రమే దక్కిందని ఆయన అన్నారు. అనంతపురం జిల్లా తరిమెల గ్రామంలో ఒక నిరుపేద కుటుంబానికి చెందిన గౌతమి టైలరింగ్ చేస్తూ కుటుంబానికి చేదోడు వాదోడుగా ఉంటూ రాజకీయాలపై ఆసక్తిగా ఉండేదని, ఇలాంటి నిరుపేదలు చట్టసభలకు పోతే ఎస్సీ ఎస్టీ బీసీ మైనారిటీల సమస్యలను చట్టసభల్లో లేవనెత్తే అవకాశం ఉంటుందని, ఓటరు మహాశయులంతా గమనించి తమ యొక్క అమూల్యమైన ఓటును ఏనుగు గుర్తుపై వేసి, వేయించి అఖండ మెజారిటీతో గెలిపించాలని ఈ సందర్భంగా లక్ష్మీనారాయణ కోరారు.
About Author
