తక్కువ ధరకే..బియ్యం..
1 min read
ఇన్చార్జ్ జేసీ మధుసూదన్ రావు
కర్నూలు, పల్లెవెలుగు:పేద, మధ్య తరగతి ప్రజలకు తక్కువ ధరకు బియ్యం, కందిపప్పు, ముడి బియ్యం ఇవ్వాలన్న లక్ష్యంతో రాష్ట్ర ప్రభుత్వం రైతు బజార్లలో సరసమైన ధరలకు అందుబాటులోకి తీసుకొచ్చిందన్నారు ఇన్చార్జ్ జాయింట్ కలెక్టర్ మధుసూదన్ రావు. పౌర సరఫరాల కమీషనర్ ఉత్తర్వుల మేరకు శుక్రవారం నగరంలోని రైతు బజార్లు, చెయిన్ రిటైల్ మార్కెట్లలో ప్రత్యేక కౌంటర్లు ఏర్పాటు చేసి… బియ్యం, కందిపప్పును తక్కువ ధరకు విక్రయించేలా చర్యలు తీసుకున్నారు. స్టీమ్డ్ రైస్ కిలో రూ.48 ( మార్కెట్ ధర రూ.55.85), ముడి బియ్యం కిలో రూ.47 ( మార్కెట్ ధర రూ.52.40), కందిపప్పు కిలో రూ.150 ( మార్కెట్ ధర రూ.181) లకు నగరంలోని రైతు బజార్లు, చెయిన్ రిటైల్ మార్కెట్లలో విక్రయిస్తున్నారని, ప్రజలు ఈ అవకాశాన్ని సద్వినియోగం చేసుకోవాలని ఈ సందర్భంగా డీఆర్ఓ, ఇన్చార్జ్ జాయింట్ కలెక్టర్ మధుసూదన్ రావు సూచించారు.
About Author
