స్వర్ణోత్సవ మహాసభలను విజయవంతం చేయండి : యుటిఎఫ్
1 min read
పల్లెవెలుగు వెబ్ ప్యాపిలి: నవంబర్ 24వ తేదీన కోవెలకుంట్ల పట్టణంలో నిర్వహించనున్న ఆంధ్రప్రదేశ్ ఐక్య ఉపాధ్యాయ ఫెడరేషన్ నంద్యాల జిల్లా స్వర్ణోత్సవ మహాసభలను విజయవంతం చేయాలని యుటిఎఫ్ నంద్యాల జిల్లా కార్యదర్శి నరసింహారెడ్డి పిలుపునిచ్చారు.మహాసభల కార్యక్రమ కరపత్రాలను మండల పరిధిలోని హుసేనాపురం జిల్లా పరిషత్ ఉన్నత పాఠశాల,పి ఆర్ పల్లి జిల్లా పరిషత్ ఉన్నత పాఠశాల,ఏనుగుమర్రి జిల్లా పరిషత్ ఉన్నత పాఠశాలల యందు ఈరోజు విడుదల చేశారు. ఈ సందర్భంగా నరసింహారెడ్డి మాట్లాడుతూ 1974 ఆగస్టు 10 వ తేదీన ఒక చారిత్రక అవసరంగా ఏర్పడిన ఐక్య ఉపాధ్యాయ ఫెడరేషన్ ఈ 50 సంవత్సరాల కాలంలో ఉద్యోగ,ఉపాధ్యాయులకు ఎన్నో హక్కులు సాధించి పెట్టిందని గుర్తు చేశారు. ఈ కార్యక్రమంలో ప్రధానోపాధ్యాయులు అన్వర్ బాషా,శ్రీధర్ రాజు,యుటిఎఫ్ నాయకులు సర్వజ్ఞ మూర్తి,చంద్ర మోహన్,రాజ కుళ్లాయప్ప,మోహన్ రెడ్డి,మధు,శివ శంకర్,అంబేడ్కర్,బొజ్జన్న,కృష్ణా నాయక్,వాణి బాయి,మార్తమ్మ,మమత,శ్యామల, సాలయ్య,నాగ మద్దయ్య,శివ కేశవులు,అంజనయ్య,కంబగిరి తదితరులు పాల్గొన్నారు.
About Author
