మెగా( పి.టి.యం.)సమావేశాన్ని జయప్రదం చేయండి
1 min read
పాఠశాల హెచ్ఎం భ్రమరాంబ
పల్లెవెలుగు వెబ్ పత్తికొండ: రాష్ట్రవ్యాప్త కార్యక్రమాల్లో భాగంగా ఈనెల 7వ తేదీన పత్తికొండ జిల్లా పరిషత్ బాలికలు ఉన్నత పాఠశాలలో “తల్లిదండ్రులు ఉపాధ్యాయుల మెగా సమావేశం” (పిటిఎం) నిర్వహిస్తున్నాము అని ఈ సమావేశానికి పిల్లల తల్లిదండ్రులు హాజరై జయప్రదం చేయాలని పాఠశాల ప్రధానోపాధ్యాయురాలు భ్రమరాంబ కోరారు. ఈ సందర్భంగా పత్తికొండ నియోజకవర్గం ఎమ్మెల్యే గౌరవనీయులు శ్రీ కే.ఈ. శ్యాంబాబుకు ఆహ్వాన పత్రిక ఇచ్చి పాఠశాల హెచ్ఎం భ్రమరాంబ ,పాఠశాల చైర్మన్ రామాంజనేయులు, మీరా హుస్సేన్ , పాఠశాల సిబ్బంది మరియు విద్యార్థిని లు ఆయన ఆఫీస్ కు వెళ్లి ముఖ్య అతిథిగా పాల్గొనాలని ఆహ్వానించారు.ఆతర్వాత హెచ్.యం. భ్రమరాంబ పాఠశాల విద్యార్థినులకు ఆహ్వాన పత్రాలు ఇచ్చి వారితల్లి దండ్రులను తప్పకుండా ఈ సమావేశానికి పిలుచుకొని రావాలని చెప్పారు.పిల్లల తల్లిదండ్రులు ఈ మెగా సమావేశంకు హాజరై విజయవంతం చేయాలని కోరారు.తల్లి తండ్రులు హాజరై,సమావేశంలో పాల్గొని పాఠశాల పురోభివృద్ధికి తగిన సూచనలు సలహాలు ఇవ్వాలన్నారు పిల్లల విద్యా ప్రగతికి ,వారి వికాసానికి సహాయ సహకారాలు కూడా అందించాలని కోరారు.
About Author
