విద్యార్థులకు కిట్లను పంపిణీ చేసిన ఎమ్మెల్యే
1 min read
పల్లెవెలుగు వెబ్ నందికొట్కూరు: నంద్యాల జిల్లా నందికొట్కూరు మండల పరిధిలోని అల్లూరు గ్రామంలో ఎస్సీ కాలనీలో స్పెషల్ ఎంపీపీ పాఠశాలలో నందికొట్కూరు ఎమ్మెల్యే గిత్త జయసూర్య మంగళవారం విద్యార్థులకు కిట్లను పంపిణీ చేశారు.ఈ సందర్భంగా ఎమ్మెల్యే మాట్లాడుతూ విద్యార్థులు చక్కగా చదువుకొని మీ ఉజ్వల భవిష్యత్తుకు పునాదులు వేసుకోవాలని ఉపాధ్యాయులు చెప్పిన విధంగా మంచిగా చదువుకొని ఒక లక్ష్యంతో మీరు చదివితే అనుకున్న లక్ష్యాన్ని చేరవేరుతారని మీరు ప్రతిరోజు పాఠశాలకు వచ్చి చక్కగా చదువుకోవాలన్నారు. మధ్యాహ్న భోజనం మెనూ తప్పనిసరిగా పాటించాలని అంతే కాకుండా భోజనం నాణ్యతగా ఉండేటట్లు చూసుకోవాలని ఎమ్మెల్యే ఉపాధ్యాయులకు సూచించారు.విద్యార్థుల అభివృద్ధికి ప్రభుత్వం పెద్దపీట వేసిందని అన్నారు. విద్యార్థులకు బ్యాగ్ పుస్తకాలు తదితరు వాటిని ఎమ్మెల్యే పంపిణీ చేశారు.తర్వాత పాఠశాల తరగతులు మరియు పాఠశాల చుట్టూ ఎమ్మెల్యే పరిశీలించి పాఠశాలను పరిశుభ్రంగా ఉంచాలని ఎమ్మెల్యే అన్నారు.ఈ కార్యక్రమంలో మాండ్ర సురేంద్రనాథ్ రెడ్డి,ఎంఈఓ ఫైజు న్నిసా బేగం,పంచాయతీ కార్యదర్శులు చంద్రశేఖర్, రవీంద్రబాబు,పాఠశాల ప్రధానోపాధ్యాయులు సిబ్బంది పాల్గొన్నారు.
About Author
