ఎమ్మెల్యే టీజీ భరత్కు శుభాకాంక్షలు
1 min read![](https://i0.wp.com/newsnedu.com/wp-content/uploads/2024/06/806.jpg?fit=550%2C367&ssl=1)
రిటైర్డు కార్డియాలజిస్ట్, ప్రొఫెసర్ డా. చంద్రశేఖర్
కర్నూలు, పల్లెవెలుగు:సార్వత్రిక ఎన్నికల్లో భారీ మెజార్టీతో గెలిచిన టీడీపీ ఎమ్మెల్యే టీజీ భరత్కు కర్నూలు హార్ట్ ఫౌండేషన్ నేతృత్వంలో రిటైర్డు కార్డియాలజిస్ట్, ప్రస్తుత ప్రొఫెసర్ డా. చంద్రశేఖర్ యాదవ్ శుభాకాంక్షలు తెలిపారు. ఈ సందర్భంగా శాలువా కప్పి ఘనంగా సన్మానించారు. రాయలసీమ ముఖ ద్వారమైన కర్నూలు మెడికల్ హబ్గా పేరుగాంచిందని, అభివృద్ధిలో చతికిల పడిన ప్రభుత్వ సర్వజన ఆస్పత్రికి ఆధునిక పరికరాలు సమకూరేలా చూడాలని కోరారు. అదేవిధంగా రోగులకు మెరుగైన వైద్య సేవలు అందేలా చూసి.. ప్రజల మన్ననలు చూరగొనాలని సూచించినట్లు డా. చంద్రశేఖర్ తెలిపారు. అంతేకాక మెడికల్ కళాశాలలో పీజీ సీట్లు పెంచాలని, ఇందుకు వైద్యరంగంపై ప్రత్యేక దృష్టిసారించాలని ఈ సందర్భంగా ఎమ్మెల్యే టీజీ భరత్కు తెలిపినట్లు రిటైర్డు కార్డియాలజిస్ట్, ప్రొఫెసర్ డా. చంద్రశేఖర్ వెల్లడించారు. ఎమ్మెల్యే టీజీ భరత్ను సన్మానించిన వారిలో హార్ట్ ఫౌండేషన్ సభ్యులు, సీనియర్ వైద్యులు డా. భవాని ప్రసాద్, తదితరులు ఉన్నారు.
![](https://i0.wp.com/newsnedu.com/wp-content/uploads/2024/06/807.jpg?resize=550%2C477&ssl=1)