ఘనంగా జాతీయ వైద్యుల దినోత్సవం
1 min read
మెడికల్ కళాశాలలోని కార్డియాలజి విభాగంలో కేక్ కట్ చేసిన ప్రొఫెసర్ డా. చంద్రశేఖర్
- భారత రత్న బి.సి. రాయ్ విగ్రహానికి పూలమాల వేసి నివాళులర్పించిన వైద్యులు
కర్నూలు, పల్లెవెలుగు:
కర్నూలు మెడికల్ కళాశాలలోని కార్డియాలజి విభాగంలో సోమవారం జాతీయ వైద్యుల దినోత్సవంను ఘనంగా నిర్వహించారు. కార్డియాలజి ప్రొఫెసర్ డా. చంద్రశేఖర్ నేతృత్వంలో వైద్యులు కేక్ కట్ చేసి వైద్యసిబ్బందికి పంచారు. ఈ సందర్భంగా ప్రొఫెసర్ డా. చంద్రశేఖర్ మాట్లాడుతూ వైద్యుడిగా, స్వాతంత్ర్య సమరయోధుడిగా, విద్యావేత్తగా మరియు రాజకీయవేత్తగా సేవలందించి… భారత రత్న అవార్డు పొందిన డా. బిధాన్ చంద్ర రాయ్ జయంతిని పురస్కరించుకుని జూలై 1వ తేదీన జాతీయ వైద్యుల దినోత్సవం జరుపుకుంటున్నామన్నారు. పశ్చిమ బెంగాల్ రాష్ట్రానికి ముఖ్యమంత్రిగా ఉన్న సమయంలోనూ.. ప్రతి రోజు రెండు గంటలు పేదలకు వైద్య సేవలు ఉచితంగా అందించిన ఘనత ఆయనకే దక్కిందన్నారు. భారత రత్న డా.బిధాన్ చంద్ర రాయ్ జన్మదినం జూలై 1, 1882 కాగా జూలై 1,1962న మరణించారని, అందుకే జూలై 1న ఆయన స్మారకార్థం జాతీయ వైద్యుల దినోత్సవం జరుపుకుంటామన్నారు. రోగులకు అందుబాటులో ఉండి వైద్య సేవలు అందించాల్సిన బాధ్యత వైద్యులదేనని, అందుకే వైద్యులను దేవుళ్లతో పోల్చుతారని ఈ సందర్భంగా కార్డియాలజి ప్రొఫెసర్ డా. చంద్రశేఖర్ వెల్లడించారు. అనంతరం బి.సి. రాయ్ విగ్రహానికి పూలమాల వేసి నివాళులర్పించారు. ఆ తరువాత మెడికల్ కళాశాల ప్రిన్సిపల్ డా. చిట్టెమ్మ వైద్యుల దినోత్సవం శుభాకాంక్షలు తెలిపి.. ఆమెను ఘనంగా సన్మానించారు. కార్యక్రమంలో డా. కిరణ్, డా.లలిత, డా. ప్రశాంత్ మరియు వైద్య సిబ్బంది పాల్గొన్నారు.
About Author
