ఏలూరు టిడిపి ఎంపీ అభ్యర్థిగా పుట్ట మహేష్ కుమార్ నామినేషన్ దాఖలు
1 min read
ఆయన వెంట వేలాదిగా పాల్గొన్న కూటమి కార్యకర్తలు, అభిమానులు,పార్టీ శ్రేణులు..
ఆశీర్వదించి సైకిల్ గుర్తుకు ఓటేసి ఎంపీగా గెలిపించండని విజ్ఞప్తి
చంద్రబాబు నాయుడు ని ముఖ్యమంత్రి చేయండి
పల్లెవెలుగు వెబ్ ఏలూరు జిల్లా ప్రతినిధి : రానున్న సార్వత్రిక ఎన్నికలకు ఏలూరు ఎంపీ అభ్యర్థి గా విజయం దిశగా పుట్టా మహేష్ కుమార్. టిడిపి ఏలూరు ఎమ్మెల్యే అభ్యర్థి బడేటి చంటి తో కలసి నామినేషన్ దాఖలు చేయడానికి పాత బస్టాండ్ అంబేద్కర్ విగ్రహం వద్ద నుండి టిడిపి జిల్లా అధ్యక్షులు గన్ని వీరాంజనేయులు, తో ప్రచార రథం పై వేలాది జనసందోహoతో బయలుదేరారు. సోమవారం పాదయాత్ర గా బయలుదేరి నామినేషన్ దాఖలు చేశారు. నామినేషన్ కార్యక్రమానికి క్యాంప్ కార్యాలయం నుండి వేలాదిమంది కార్యకర్తలు, అభిమానులు, పార్టీ శ్రేణులు బాణాసంచా కాలుస్తూ, తీన్మార్.డప్పుల హోరుతో, కార్యకర్తల నృత్యాలతో నగరంలో పండుగ వాతావరణం తలపించేలా ఎంపీ అభ్యర్థి మహేష్ కుమార్ కి గజమాలలు వేసి భారీ ఊరేగింపుగా పాదయాత్ర ప్రారంభ మయ్యింది. మీ అందరి అభిమానంతో ఎంపీ అభ్యర్థిగా నాకు, ఎమ్మెల్యే అభ్యర్థి బడేటి చంటి కి, ఒక్కసారి అవకాశం ఇచ్చి సైకిల్ గుర్తుకు ఓటేసి చంద్రబాబు నాయుడుని ముఖ్యమంత్రి చేయాలని శిరస్సు వంచి నమస్కరించి అభివాదాలు చేస్తూ పాదయాత్రను ప్రారంభించారు. ఈ పాదయాత్ర ముందుగా పాత బస్టాండ్ అంబేద్కర్ విగ్రహానికి పూలమాలలు వేసి ప్రారంభించారు. వసంత మహల్ సెంటర్, జ్యూట్ మిల్ సెంటర్, ఓవర్ బ్రిడ్జి మీద నుండి, ఫైర్ స్టేషన్ సెంటర్లో ఎన్టీఆర్ విగ్రహానికి పూలమాలలు వేసి, టూ టౌన్ పోలీస్ స్టేషన్, జడ్పీ సెంటర్ మీదుగా కలెక్టర్ కార్యాలయం వరకు కొనసాగింది. మండుటెండను సైతం లెక్కచేయకుండా ఒక జన సముద్రంల అభిమానులు, కార్యకర్తలు, మహిళలు, నీరాజనాలు పలికారు. పాదయాత్ర గా భారీ వూరేగింపు తో చేరుకొన్నారు. పాదయాత్ర పాల్గొన్న ప్రతి ఒక్కరూ చివరి వరకు అదే ఉత్సాహంతో జోష్ నింపారు. మహిళలు కూడా అడుగడుగునా హరతులతో, పూల వర్షం కురిపించారు. తెలుగుదేశం పార్టీ ఏలూరు ఎంపీ అభ్యర్థి గా ఎన్నికల అధికారి వై ప్రసన్న వెంకటేష్ కు తన నామినేషన్ పత్రం దాఖలు చేసారు. ఈ నామినేషన్ కార్యక్రమంలో టిడిపి జిల్లా అధ్యక్షులు గన్ని వీరాంజనేయులు, మాజీ ఎమ్మెల్యే చింతమనేని ప్రభాకర్, జనసేన పార్టీ నాయకులు రెడ్డి అప్పలనాయుడు, పోలవరం కూటమి నాయకులు చీర్రీ బాలరాజు, బిజెపి నాయకులు అంబికా కృష్ణ, మాలతీరాణి, టిడిపి సీనియర్ నాయకులు మధ్యాహ్నపు బలరాం,పాల్గొన్నారు. ఈ కార్యక్రమం లో టిడిపి, బిజెపి, కూటమి నాయకులు, జనసేన వీర మహిళలు అధిక సంఖ్యలో కార్యకర్తలు పాల్గొని విజయవంతం చేశారు.
About Author
