నందికొట్కూర్..మిడుతూరు లో పంటల పరిశీలన
1 min read
అవగాహన కల్పించిన ఏడీఏ మరియు ఎంఏవోలు..
పల్లెవెలుగు వెబ్ నందికొట్కూరు: నందికొట్కూరు మరియు మిడుతూరు మండలాల్లోని వివిధ గ్రామాల్లో పంట పొలాలను వ్యవసాయ అధికారులు మంగళవారం పరిశీలించారు.పొలం పిలుస్తోంది కార్యక్రమంలో భాగంగా నందికొట్కూరు మండల పరిధిలోని బిజినవేముల గ్రామంలో వ్యవసాయ సహాయ సంచాలకులు సి విజయ శేఖర్ మరియు ఎంఏఓ పి.షేక్షావలి పంట పొలాలకు వెళ్లి పరిశీలించారు.అదే విధంగా మిడుతూరు మండలంలోని మాసపేట,కడుమూరు, మిడుతూరు, చింతలపల్లి,దేవనూరు, చౌటుకూరు, కడుమూరు గ్రామాల్లోశనగ,పొగాకు పంటలను ఏడిఏ విజయ శేఖర్,డీఆర్సీ వ్యవసాయ అధికారి హేమలత,మండల వ్యవసాయ అధికారి ఎం.పీరు నాయక్ పంటలను పరిశీలిస్తూ పంటల గురించి రైతులకు తగు సూచనలు ఇచ్చారు. రాష్ట్ర విత్తనాభివృద్ధి సంస్థ అందజేసిన శనగ పొలాలకు వెళ్లి రైతులతో మాట్లాడారు.రైతులకు యాజమాన్య పంటల గురించి అవగాహన కల్పించారు.రైతులు ప్రకృతి వ్యవసాయంపై మొగ్గు చూపాలని ప్రకృతి వ్యవసాయంలో నాణ్యమైన పంటల అధిక దిగుబడి సాధించవచ్చని అన్నారు.ఈ కార్యక్రమంలో అశోక్, మల్లికార్జున,ఆర్ఎస్కే సిబ్బంది మరియు రైతులు పాల్గొన్నారు.
About Author
