ఈనెల 23న ఒలింపిక్ డే రన్
1 min read
పల్లెవెలుగు వెబ్ కర్నూలు: ఒలింపిక్ డే సెలబ్రేషన్స్ లో భాగంగా ఈనెల 23వ తేదీన కర్నూలు నగరంలో ఒలంపిక్ డే రన్ నిర్వహిస్తున్నట్లు జిల్లా ఒలింపిక అసోసియేషన్ చైర్మన్ డాక్టర్ షేక్ మహబూబ్ బాషా సంఘం అధ్యక్షులు వి రామాంజనేయులు ప్రకటించారు. సోమవారం స్థానిక కర్నూల్ వద్ద ఉన్న కార్యాలయంలో ఏర్పాటుచేసిన కార్యక్రమంలో ఒలంపిక్ డే సెలబ్రేషన్స్ షెడ్యూల్ను విడుదల చేశారు.ఈనెల 18న స్థానిక స్పోర్ట్స్ అథారిటీ స్టేడియంలో అంతర్ పాఠశాల బాలబాలికల బాస్కెట్బాల్ పోటీలు నిర్వహిస్తున్నట్లు వారు తెలిపారు. అలాగే 19వ తేదీన అంతర్ పాఠశాలల ఫుట్బాల్ పోటీలు ఉంటాయి అన్నారు. 20 తేదీన తైక్వాండో, అదే రోజు స్థానిక గణేష్ నగర్ లో ఉన్న స్కేటింగ్ రింకులో స్కేటింగ్ పోటీలు నిర్వహిస్తున్నట్లు తెలిపారు . 23వ తేదీ కలెక్టరేట్ దగ్గర నుంచి కొండారెడ్డి బ్రిడ్జి వరకు ఒలంపిక్ రన్ ఉంటుందని వారు వివరించారు. సెలబ్రేషన్లో విద్యాసంస్థలు చెందిన విద్యార్థులు క్రీడాకారులు శ్రేయోభిలాషులు పాల్గొని విజయవంతం చేయాలని వారు కోరారు.
About Author
