అంబరాన్ని అంటిన పంద్రాగస్టు వేడుకలు
1 min read
పట్టణంలో పాఠశాలల విద్యార్థుల కోలాహలం
లిటిల్ ఏంజిల్స్ విద్యార్థులచే భారీ జాతీయ జెండా ప్రదర్శన
పల్లెవెలుగు వెబ్ వెలుగోడు: వెలుగోడు ఆగస్టు 15 న్యూస్ వెలుగోడు పట్టణంలో పంద్రాగస్టు వేడుకలు అంబరాన్ని అంటాయి. పట్టణంలో ఉదయం నుండే పాఠశాలల విద్యార్థులు ఉత్సాహంగా జాతీయ జెండాలను చేతబట్టి తమ తమ పాఠశాలలకు చేరుకున్నారు. తాసిల్దార్ కార్యాలయంలో తాసిల్దార్ శ్రీనివాసులు గౌడ్ జెండా ఆవిష్కరించారు. ఎంపీడీవో కార్యాలయంలో ఎంపీపీ లాలం రమేష్ జెండా ఆవిష్కరించారు. గ్రామపంచాయతీ కార్యాలయంలో సర్పంచ్ వేల్పుల జైపాల్ జండా ఆవిష్కరించారు. పోలీస్ స్టేషన్లో ఎస్ఐ భూపాలుడు జెండావిష్కరించారు. లిటిల్ ఏంజిల్స్ ఇంగ్లీష్ మీడియం ఉన్నత పాఠశాలలో ఎంపీడీవో అమానుల్లా జెండా ఆవిష్కరించారు.ఆ పాఠశాలలో విద్యార్థులచే నిర్వహించబడిన పిరమిడ్లు, కరాటే విన్యాసాలు, వివిధ జాతీయ గీతాలకు విద్యార్థులచే నృత్య ప్రదర్శన నిర్వహించారు .చిన్నారుల జాతీయ నాయకుల వేషధారణ లు అందరికీ ఆకట్టుకున్నాయి . పాఠశాలలో నిర్వహించిన వివిధ ఆటల పోటీలలో విజయం సాధించిన విద్యార్థులకు అతిథులు ఎస్సై భూపాలుడు, ఎంపీడీవో అమానుల్లా, సీనియర్ పాత్రికేయుడు సుల్తాన్ మోహిద్దీన్, కరస్పాండెంట్ డా.ఎమ్ ఎఫ్ ఇమ్మానియేల్, ఏవో ప్రశాంత చేతుల మీదుగా బహుమతులు అందజేశారు.అనంతరం ఆ పాఠశాల విద్యార్థులచే భారీ జాతీయ జెండాను పట్టణంలో ప్రదర్శించారు. బృందావనం పాఠశాలలో కరస్పాండెంట్ ఫయాజ్ అలీ ఖాన్ జెండా ఆవిష్కరించారు.తెరిసా ఇంగ్లీష్ మీడియం పాఠశాలలో ప్రధానోపాధ్యాయుడు అతావుల్లా భాష జెండా ఆవిష్కరించగా, టిడిపి కార్యాలయంలో అన్నారపు శేషి రెడ్డి జెండా ఆవిష్కరించగా, వైసీపీ కార్యాలయంలో పట్టణాధ్యక్షుడు ఇలియాస్ ఖాన్ జెండా ఆవిష్కరించగా, ఎస్ డి పి ఐ కార్యాలయ ప్రాంగణంలో ఆ పార్టీ రాష్ట్ర ఉపాధ్యక్షుడు ఎం అబ్దుల్లా బేగ్ జెండావిష్కరించగా ,గాంధీ విగ్రహం వద్ద మాజీ సర్పంచ్ ముల్లా అబ్దుల్ కలాం జెండా ఆవిష్కరించారు.మండలంలోని అన్ని ప్రభుత్వ ప్రైవేటు పాఠశాలల్లో, ప్రభుత్వ కార్యాలయాల్లో జాతీయ జెండాను ఆవిష్కరించారు.
About Author
