పొలాల రహదారులు బాగు చేయండి..
1 min read
జిల్లా అధికారులకు కాతా రమేష్ రెడ్డి వినతి..
పల్లెవెలుగు వెబ్ మిడుతూరు (నందికొట్కూరు):పొలాలకు వెళ్లే రహదారులు అద్వానంగా ఉన్నాయ్ వాటిని నిధులతో రహదారులను బాగు చేయండని టిడీపీ మండల కన్వీనర్ కాతా రమేష్ రెడ్డి జిల్లా అధికారులకు వివరిస్తూ వినతి పత్రాన్ని అందజేశారు. నంద్యాల జిల్లా మిడుతూరు మండల పరిషత్ కార్యాలయ ప్రాంగణంలో మంగళవారం జరిగిన ఉపాధి హామీ బహిరంగ సభకు వచ్చిన డ్వామా జిల్లా ప్రాజెక్టు అధికారి జనార్దన్ రావు మరియు మానిటరీ ఎవాల్యూయేషన్ అధికారి టి.విజయ భాస్కర్ నాయుడుకు రమేష్ రెడ్డి వినతిపత్రం అందజేశారు. మండలంలోని చుట్టుపక్క గ్రామాలకు పొలాల రస్తాలు రైతులు వెళ్లలేని స్థితిలో ఉన్నాయని రోడ్లకు ఇరువైపులా ఉన్న ముళ్ళ పొ దలు తొలగించి రోడ్లకు గ్రావెల్తో వేయించాలని ఆయన అధికారులకు వివరించారు. తర్వాత పీరు సాహెబ్ పేట గ్రామ పంచాయితీగా ఉన్నప్పటికీ మా గ్రామానికి ఫీల్డ్ అసిస్టెంట్ లేరని ప్రత్యేకంగా గ్రామానికి ఫీల్డ్ అసిస్టెంట్ ఏర్పాటు చేయాలని గ్రామ టిడీపీ నాయకులు రామేశ్వర రెడ్డి,వెంకటేశ్వర రెడ్డి వినతిపత్రం అందజేశారు. అంతే కాకుండా వివిధ గ్రామాల నాయకులు సమస్యల గురించి అధికారులకు వివరించారు.ఈ కార్యక్రమంలో దేవనూరు మాజీ సర్పంచ్ నాగేంద్రుడు, లక్ష్మీనారాయణ,చాంద్,ఐ టీడీపీ మండల కన్వీనర్ ఇంతియాజ్,ఇద్రిస్,బన్నూరు రమణారెడ్డి,సోపి సాహెబ్, చౌటుకూరు నరసింహ గౌడ్ తదితరులు పాల్గొన్నారు.
About Author
