గ్రామ స్వచ్ఛత మన అందరి భాధ్యత,పారిశుధ్య కార్మికులు రియల్ హీరోలు
1 min read
దెందులూరు ఎమ్మెల్యే చింతమనేని ప్రభాకర్
స్వచ్చత హీ సేవా కార్యక్రమంలో ఇంటి ఇంటికి చెత్త సేకరణ డబ్బాలను అందచేసిన ఎమ్మెల్యే
గ్రామాల్లో స్వచ్చత కోసం ప్రతి ఒక్కరూ భాగస్వామ్యం కావాలనిపిలుపు
పల్లెవెలుగు వెబ్ ఏలూరు జిల్లా ప్రతినిధి : గ్రామాలను స్వచ్ఛత గా ఉంచడంలో ప్రజా ప్రతినిధులు, అధికారులతో పాటు ప్రజలు కూడా స్వచ్ఛందంగా భాగస్వామ్యం కావాలని దెందులూరు ఎమ్మెల్యే చింతమనేని ప్రభాకర్ పిలుపునిచ్చారు.స్వచ్ఛతా హి సేవ కార్యక్రమంలో భాగంగా మంగళవారం ఉదయం దెందులూరు గ్రామంలో జరిగిన కార్యక్రమంలో పాల్గొన్న ఎమ్మెల్యే చింతమనేని ప్రభాకర్ గ్రామంలోని ఇంటి ఇంటికి వెళ్లి ప్రజలకు స్వచ్ఛత యొక్క ఆవశ్యకతను స్వయంగా వివరించారు. చెత్త సేకరణలో తడి చెత్త , పొడి చెత్తను వేరు చేసేలా చెత్త సేకరణ డబ్బాలను ప్రజలకు అందచేసారు. స్థానిక సచివాలయం-1,2 లతో పాటు గ్రామంలోని రైతు సేవా కేంద్రాలను సందర్శించిన ఎమ్మెల్యే చింతమనేని ప్రభాకర్ ప్రజలకు మెరుగైన సేవలు అందించాలని సచివాలయం సిబ్బందికి సూచించారు.ఈ సందర్భంగా దెందులూరు ఎమ్మెల్యే చింతమనేని ప్రభాకర్ మాట్లాడుతూ గ్రామాల అభివృద్ధి కోసం గ్రామ స్వరాజ్యం కోసం ఎంతో కృషి చేసిన మహాత్మా గాంధీ జయంతినీ పురస్కరించుకొని సెప్టెంబర్ 17వ తేదీ నుంచి అక్టోబర్ రెండవ తేది వరకు దెందులూరు నియోజకవర్గంలోని అన్ని గ్రామాల్లో స్వచ్ఛతా హి సేవ కార్యక్రమాన్ని నిర్వహించడం జరుగుతుందని తెలిపారు. గ్రామాల్లో స్వచ్చత పై క్షేత్ర స్థాయిలో విస్తృత అవగాహన కార్యక్రమాలు చేపట్టడం జరుగుతుందని, ప్రజాప్రతినిధులు, నాయకులు కార్యకర్తలు, అధికారులతో పాటు ప్రజలను కూడా గ్రామ స్వచ్చత లో స్వచ్ఛందంగా భాగస్వామ్యం చేయటంతోపాటు పారిశుధ్య కార్మికుల సేవలను అభినందించడం ఈ కార్యక్రమ లక్ష్యం అని అన్నారు. ఎంతో మంది కనీస భాధ్యత లేకుండా చెత్తను వీధుల్లో వేస్తుంటే, వాటిని శుభ్రంచేసి గ్రామాలను స్వచ్ఛంగా ఉంచుతున్న పారిశుధ్య కార్మికులు రియల్ హీరోలు అని ఎమ్మెల్యే చింతమనేని ప్రభాకర్ అభినందించారు.ఈ కార్యక్రమంలో దెందులూరు మండల టిడిపి అధ్యక్షులు మాగంటి నారాయణ ప్రసాద్ (మిల్లు బాబు) పార్టీ నాయకులు మోతుకూరి నాని, పెనుబొయిన మహేష్, బొడ్డేటి మోహన్, ఎమ్మార్వో సుమతీ, ఎంపిడిఓ శ్రీలత సహా పలువురు కూటమి నాయకులు, కార్యకర్తలు, అధికారులు, సిబ్బంది పాల్గొన్నారు.
About Author
