దత్త పీఠాధిపతులు సద్గురువులు శ్రీ శ్రీ శ్రీ గణపతి సచ్చిదానంద స్వామి జన్మదినం
1 min read
పల్లెవెలుగు వెబ్ కర్నూలు: పరమ పవిత్రమైనటువంటి ఈ పర్వదినం నాడు పరమ పూజ్య అవధూత దత్త పీఠాధిపతులు సద్గురువులు శ్రీ శ్రీ శ్రీ గణపతి సచ్చిదానంద స్వామి వారి జన్మదినం సందర్భంగా శ్రీ సూర్య పంచాయతనమునకు విశేషంగా కృష్ణ యజుర్వేద ఆరణ్యక భాగంలో మహానారాయణ ఉపనిషత్ పారాయణ పూర్వకముగా అభిషేకము నిర్వహించాము.అనంతరం శ్రీ స్వామీజీ వారి పాదుకులకు పురుష సూక్త విధానముతో శ్రీ రుద్ర పారాయణ పూర్వకముగా విశేషమైన సుగంధ ద్రవ్య జలాభిషేకము పంచామృత అభిషేకము అర్చన మహా మంగళహారతి మంత్రపుష్పము వేద స్వస్తి నిర్వహించడం జరిగినది. అనంతరం శ్రీ జయలక్ష్మి మాత మాతృ మండలి సభ్యులు సంపూర్ణముగా శ్రీమద్ భగవద్గీత పారాయణం చేయటం జరిగినది.అనంతరం లక్ష్మీ గణపతి హోమం మృత్యుంజయ హోమం ఆయుష్య హోమం ఆదిత్యాది నవగ్రహ హోమం నిర్వహించడం జరిగినది.ఈనాటి పర్వదినము నాడు గౌరవనీయులు ఆలయ ట్రస్ట్ సభ్యులు డాక్టర్ ఆంజనేయులు ,డాక్టర్ నగేష్ వర్మ , శ్రీమతి రాజేశ్వరి ,సుజాతమ్మ , రమాదేవి మాతృ మండల సభ్యులు భక్తాదులు అధిక సంఖ్యలో పాల్గొని పరమ పూజ శ్రీ స్వామీజీ వారి కృపకు పాత్రులు అయ్యారు. అనంతరం తీర్థప్రసాదాలు స్వీకరించారు.
About Author
